Discussion #1 Investment Basics

Mr. X என்பவர் ஒரு பெரிய பணக்காரர். உங்களுக்கு நெருங்கிய நண்பர். அவருக்கு நான்கு கடைகள் உண்டு. ஆளுங்கட்சிக்கு வேண்டியவரும் கூட.என்னென்ன கடைகள் என்று பார்ப்போம் :

1)  X DVD Paradise

       இக்கடையில் தமிழ், ஆங்கிலம், தெலுங்கு, மலையாளம் திரைப்படங்களின் DVD விலைக்கு கிடைக்கும். ஊரில் மிகப்பெரிய கடை அதுதான். முதலீடு 5 இலட்சங்கள். இலாபம் வருடத்திற்கு 20 முதல் 25 சதவிகிதம் வரை.

2) X ரியல் எஸ்டேட்

    நிலங்கள் வாங்கி விற்கும் பணியில் ஈடுபட்டு வருகிறார்கள். போட்டியாளர்கள் அந்த ஊரில் உண்டு. முதலீடு 10 இலட்சங்கள். இலாபம் வருடத்திற்கு 10 முதல் 15 சதவிகிதம் வரை.

3) X Blue Metals

     ஆற்று மண், கருங்கல் ஜல்லிகள் போன்றவற்றை விநியோகம் செய்யும் கடை. போட்டியாளர்கள் உண்டு. முதலீடு 6 இலட்சங்கள். இலாபம் வருடத்திற்கு 25முதல் 35 சதவிகிதம் வரை.

4) X நகைக் கடை

     தங்க, வெள்ளி நகை, பாத்திரங்கள் விற்கும் கடை. இதற்கும் போட்டியாளர்கள் உண்டு. முதலீடு 25 இலட்சங்கள். இலாபம் 20 முதல் 25 சதவிகிதம் வரை.

     உங்களிடம் உள்ள சேமிப்பு நிதியிலிருந்து 50 சதவிகிதம் ( 3 இலட்சம் என்று வைத்துக் கொள்வோம்) தன்னுடைய ஏதாவது ஒரு கடையில் முதலீடு செய்ய சொல்கிறார். இலாபத்தினை முதலீட்டுக்கேற்றவாறு பிரித்துக் கொள்ளலாம் என்று சொல்கிறார்.

 

     உங்களுடைய முடிவு என்ன? ஏன் அந்த முடிவை எடுத்தீர்கள் என்பதை பகிர்ந்து கொள்ளுங்கள்.