30.03.2009

      கடந்த உயர்வுகள் இந்த வாரத்தில் சோதிக்கப்படும் வாய்ப்புகள் நிறையவே இருக்கின்றன.  ஆசிய சந்தைகள் விளிம்பில் ஆடிக் கொண்டிருந்தாலும், இன்றைய தினம் நமது சந்தை ஒரு Selling Pressure துவங்கும் வாய்ப்பே இருக்கிறது.  குறிப்பாக, ரிலையன்ஸ் குழுமங்களின் போக்கை வைத்தே இன்றைய சந்தை ஆட வாய்ப்பு இருக்கிறது.

        வங்கி பங்குகள் கடந்த மாதத்தில் கடுமையாக பாதிக்கப்பட்டமையால் அவைகள் மேலேற வாய்ப்பு இருக்கின்றன.  3150 என்ற நிலை ஒரு முக்கிய நிலையாக தற்போது பார்க்கப்பட்டு வருகிறது. 

    உலக சந்தைகளின் உயர்வை வைத்தே நமது சந்தையின் உயர்வும் இருக்கிறது.  சதவீதம் சற்று அதிகமாகவே இருக்கிறது.  எல்லோர் மனதிலும் இந்த உயர்வுகள் ஷார்ட் கவரிங் என்கின்ற மனநிலையே இருக்கிறது. 

      இன்றைய சந்தை -58 முதல் 65 வரை ஆட வாய்ப்பு இருக்கிறது.  15-35 புள்ளிகளில் முடிய வாய்ப்பு உள்ளதாக நினைக்கிறேன். பார்ப்போம்.

      Read Dislciamer

      Good Morning to you all!

27-03-2009

     உலக சந்தைகள் எல்லாமே கன ஜோராக மேலேறி கொண்டிருக்கிறன.  நமது சந்தையும் நீண்ட காலமாக எட்ட முயன்று கொண்டிருந்த 3000 என்ற நிலையை வெகு எளிதாக கடந்து விட்டது.  அடுத்தது என்ன?

     3150 என்ற நிலையை கடந்து இரு நாட்கள் வலுவாக முடிந்தொலாழிய இந்த காளை ஒட்டம் நீடிக்காது.  குறிப்பாக, ரிலையன்ஸ் குழும பங்குகளில் நடைபெறும் ஷார்ட் கவரிங் ஏறக்குறைய முடியும் நிலையில் உள்ளது.

       இன்றைய தினம் பெரிய தலைகள் (ம்யூச்சுவல் நிறுவனங்கள்) விற்காமல் இருந்தால், சந்தை இன்றும் மேலேற வாய்ப்பு இருக்கின்றது.  சந்தையானது 40 புள்ளிகளை இழக்க ஆரம்பித்தால் வெகு வேகமாக எல்லோரும் விற்க ஆரம்பிப்பார்கள்.  எந்த நேரம் வேண்டுமானாலும் கவிழ்ந்து விடலாம் என்ற நிலை தான் தற்போது இருக்கிறது.  2500 என்ற பழைய சப்போர்ட் நிலைக்கு சந்தை வெகு வேகமாக திரும்பக் கூடும்.

    இன்றைய சந்தையின் துவக்கத்தை தவற விடாதீர்கள்.

      Read Disclaimer.

Have a Happy Weekend!

26-03-2009

அன்புள்ள கார்த்திகேயன்,

சில தினங்களில் சந்தை இவ்வாறு தான் இருக்கும் என கூற முடியாது. அத்தகைய தினங்களில் பொதுவாக நான் எழுதுவதில்லை. பொதுவாக நமது சந்தை ஒரு தமிழ் படத்தில் இருக்கும் அடுத்த காட்சியை ஊகிக்கக் கூடிய அளவிலே இருக்கும்.  ஆனால் சில நாட்களில் ஆபரேட்டர் ரீலை மாற்றி போட்டது போல் தாறுமாறாக ஆகிவிடும்.

      அது போன்ற சமயங்களில் நான் எழுதியதை நீங்கள் படித்து செல்வதை விட உங்களின் சொந்த முடிவுகளுடன் சந்தைக்கு போவதே நல்லது.  காலையில் 8.30 மணி வரைக்கும் எவ்வித அபிப்பிராயங்களும் தோன்றாது.  சந்தை தொடங்கி முதல் அரை மணி நேரம் கழித்துத் தான் ஒரு தெளிவான முடிவு ஏற்படும். 

      அது போன்ற சமயங்களில் ஏதாவது எழுதி உங்களையும் என்னையும் நான் குழப்பிக் கொள்ள விரும்பவில்லை.  அப்படியே விட்டு விடுகிறேன்.  அவ்வளவே.

    இன்றைய தினமும் அப்படியொரு நாளே.

Good Morning to you all!

24-03-2009

      அமெரிக்க அரசு அறிவித்த ஊக்கத் திட்டங்களால் அமெரிக்க சந்தையானது நேற்று 490 புள்ளிகளுக்கு மேல் ஏற்றத்துடன் முடிந்திருக்கிறது.  ஆனால் இது தற்காலிகமே.  8000 புள்ளிகளில் வலுவாக இருந்தது என நிபுணர்களால் சொல்லப்பட்ட சந்தை ஒரே வாரத்தில் 7000 புள்ளிகள் வரை சரிந்தது அச்சந்தை அடிப்படையில் இன்னும் பலவீனமாகவே உள்ளதை காட்டுகிறது.

        இந்த பொருளாதார சீர்குலைவிற்கு பின் வேகமாக முன்னேற்றம் அடையும் சந்தையாகவே இதுவரை அமெரிக்க சந்தை பார்க்கப்பட்டு வந்தது.  இந்நிலைமை சிறிது சிறிதாக மாறிக் கொண்டிருக்கிறது.  அடுத்த பொருளாதார மந்தத்திற்கு ஆசிய சந்தைகளையே கணக்கில் எடுத்துக் கொள்வார்கள் என நினைக்கிறேன்.

      நேற்றைய சந்தை மிக மிக உற்சாகத்துடன் ஷார்ட் கவரிங் காணப்பட்டது.  3000 என்ற இலக்கு வெகு எளிதில் என்ற பேச்சும் அடிப்படுகிறது.  3000 என்ற நிலையில் நிறைய இலாபம் உறுதி செய்யும் நோக்கு இருக்கும். சந்தை அந்த நிலையில் சிறிது தடுமாறவே செய்யும் என நினைக்கிறேன். அதனை தக்க வைத்துக் கொள்ளும் நிலையும் இன்று உள்ளது.  ஒருவேளை அந்நிலையை கடந்து முடியுமானால் மேலும் ஒரு சிறிய ஷார்ட் கவரிங் ஏற்பட்டு சந்தையானது 3100 வரை போகுமென நினைக்கிறேன்.

       இன்றைய சந்தையானது ஆரம்பத்தில் ஏற்றத்துடன் தொடங்கினாலும், போகப்போக செல்லிங் பிரஷர் சந்தை ஏற்றத்தினை தடுக்குமென தோன்றுகிறது.  மேலும் ஆபரேட்டர்கள் காளை மன ஒட்டத்தையே சந்தையில் பிரதிபலிக்கின்றார்கள்.  ப்யூச்சர்ஸ் முடியும் நாள் இந்ததடவை மிகவும் சுவாரஸ்யமாக இருக்குமென தோன்றுகிறது.

      தின வணிகர்கள் மற்றும் ஸ்விங் ட்ரேடர்கள் மிகவும் எச்சரிக்கையாக சந்தையை அணுகுங்கள். இன்றைய சந்தையானது 68 முதல் -28 வரை ஆடுமென நினைக்கிறேன்.

 Read Disclaimer.

Good Morning to you all!

23-03-2009

      இன்றைக்கு ஆரம்பித்திருக்கும் ஆசிய சந்தைகள் எல்லாம் மிக உற்சாகமாக ஆரம்பித்திருக்கின்றன.  நமது சந்தை அவ்வாறு ஆரம்பிக்கும் என சொல்வதில் சில சிக்கல்கள் உள்ளன.

      முதலில் ப்யூச்சர்ஸ் கான்ட்ராக்ட் முடியும் நாள் மூன்று தினங்களில் வர உள்ளன.  அடுத்த நிலையான 2900 என்ற நிலையில் இலாபத்தை உறுதி செய்தல் மிக அதிகமாக இருக்கும்.  அதையும் மீறி சந்தை முன்னேற வேண்டுமென்றால் உலக சந்தைகள் குறிப்பாக அமெரிக்க சந்தையானது மீண்டும் 7700 என்ற நிலையை தாண்ட வேண்டும்.

       இன்றைய தினம் சந்தையில் துவக்கத்தில் இலாபம் உறுதி செய்தல்  நடப்பதால் சந்தை துவக்க நிலையில் தடுமாறும் நிலை உள்ளது.  அதை சமாளித்துக் கொண்டு முன்னேறுமென்றால் 48 புள்ளிகள் அளவிற்கு ஏற்றத்துடன் நிற்கும் என எதிர்பார்க்கிறேன்.

     கீழே இறங்கினால் பெருத்த அளவில் இறங்காது என தோன்றுகிறது.  அவ்வாறு இறங்கினாலும் 28-34 என்ற புள்ளிகளில் ஆடுமென நினைக்கிறேன்.

      இந்த வாரம் எப்படி இருக்குமென்பதை இன்றைய தினம் சந்தை சொல்லிவிடும் என நினைக்கிறேன். பார்க்கலாம்.

    தின வணிகர்கள் இன்று எச்சரிக்கையாக வணிகம் செய்யவும்.

  Read Disclaimer

   Good Morning to you all!

20-03-2009

      அமெரிக்க சந்தை இறக்கத்தில் முடிந்திருந்த போதிலும், தற்போது ஆரம்பித்திருக்கும் ஆசிய சந்தைகள் ஏற்றத்தில் இருக்கின்றன.  அமெரிக்காவில் பொருளாதாரத்தை மீட்க சில முக்கிய நடவடிக்கைகள் எடுக்க ஆரம்பித்திருக்கிறார்கள்.   இன்னும் பிரச்சினைகள் இருக்கத்தான் செய்கின்றன என்றாலும்.

     பண வீக்கம் வெகுவாக குறைந்திருக்கிறது.  அதனை அளப்பதற்கு நிறைய முறைகள் உள்ளன. தற்போதைய அளக்கும் முறையை மாற்றுவது நல்லது.   மிக தவறான குறியீட்டினை நமக்கு இனி வருங்காலத்தில் தரலாம். 

       இன்றைய தினம் நமது சந்தைகள் மேலேறக் கூடும் என எதிர்பார்க்கிறேன்.  3000 என்ற நிலையை எட்டுவது சிரமம் தான் எனினும், சந்தையின் வால்யூம் குறைவாக இருப்பதால், 2900 என்ற நிலையை கடக்கும்போது யாரேனும் ஒரு பெரிய தலை சந்தையை மேலே அழைத்துக் கொண்டு செல்லக்கூடும்.  அந்நிய முதலீட்டாளர்களும் இதில் முக்கிய பங்கு வகிக்கக் கூடும். 

      வணிக தொலைக்காட்சிகளில் பாஸிட்டிவான செய்திகளை நிறைய பரப்புவார்கள் என நினைக்கிறேன்.  பார்ப்போம்.

     இன்றைய சந்தை -44 முதல் 58 வரை ஆடுமென நினைக்கிறேன்.  முடிவு 10-28 புள்ளிகளில் ஏற்றத்துடன் முடியுமென நினைக்கிறேன். 

Read Disclaimer!

Happy Weekend!

18-03-2009

      நேற்றைய தினம் இலாபத்தை உறுதி செய்ததால் சந்தை 19 புள்ளிகளை இழக்க நேரிட்டது.  தொடர்ந்து உலக சந்தைகள் ஏற்றத்துடன் காணப்படுவதால் இன்றைய தினம் நமது சந்தை புத்துணர்ச்சியுடன் தொடங்க நேரிடும்.

        2800 என்ற நிலையை வெகு எளிதில் தாண்டிவிடுமெனதான் நினைக்கிறேன்.  குறிப்பாக ரிலையன்ஸ் குழுமங்களில் காளை ஓட்டத்தை எதிர்பார்க்கிறேன்.  அவ்வாறு இருக்குமாயின் இன்றைய நமது சந்தையானது 78 புள்ளிகளுக்கு மேலேறி முடிய வாய்ப்புண்டு.

       இன்றைய தினம் Selling Pressure வர வாய்ப்பில்லை என்றாலும், சில ம்யூச்சுவல் நிதி நிறுவனங்கள் மிகுந்த நஷ்டத்தில் இருப்பதனால் சில பங்குகளை வெகுவாக விற்கக் கூடும்.  இருப்பினும் காளை மனநிலையே பொதுவாக சந்தையில் விரவிக் கிடப்பதால் இன்றைய சந்தை உற்சாகமாகவே ஆரம்பிக்க வாய்ப்புண்டு.

          இன்றைய சந்தையானது 78 முதல் -12 வரை ஆடலாம்.  முடிவு ஏற்றத்துடன் இருக்குமென நினைக்கிறேன்.

      நன்றி, திரு ஜாபர், நேரமிருப்பின் இந்த வாரக்கடைசியில் எழுத முயற்சிக்கிறேன்.   

 

    Read Disclaimer

     Good Morning to you all!