Archive for April, 2009

29-04-2009

      இம்மாதத்தின் ப்யூச்சர்ஸ் காண்ட்ராக்ட் முடிவடையும் நாள்.  மாதத்தின் கடைசி நாளும் கூட.  இது போன்ற சமயங்களில் சந்தை இவ்வாறு தான் இருக்கும் என தெளிவாக கணிக்க இயலாது.  எனினும், உலக சந்தைகளில் தற்போது ஏற்பட்டு வரும் சுணக்கத்தை பார்க்கும்போது (குறிப்பாக அமெரிக்க சந்தை) இது நமது சந்தையையும் பாதிக்கும் என தெரிகிறது.

        டோ 8000 என்ற நிலையை தாண்டி சில வாரங்கள் ஆகியும் அதற்கு மேல் முன்னேற முடியவில்லை.  ஒரு நல்ல கெட்ட செய்திக்காக காத்துக் கொண்டிருக்கிறாற்போல தெரிகிறது.  அது கிடைத்ததும் மீண்டும் பின்னோக்கி செல்ல வாய்ப்பு அதிகம்.

      இன்றைய சந்தையை பொறுத்த வரையில் தின வணிகர்களும் சற்று எச்சரிக்கையாக இருக்க வேண்டிய சந்தை.  சிறு முதலீட்டாளர்கள் இன்னும் ஒரு வாரம் வரையிலாவது ஒதுங்கி இருப்பது நல்லது. 

       நிப்டி பங்குகளில் நிறைய Over Bought Zone  இருக்கின்றன.  குறிப்பாக ரிலையன்ஸ் நிறுவன பங்குகள். 

     பொறுமை.  பொறுமை.  பொறுமை. தற்சமயம் இதுதான் முக்கியம்.  (நான் சாந்தி சாந்தி சாந்தி என எழுதலாம் என்றிருந்தேன்.  உடனே யார் அந்த சாந்தி என நிறைய பின்னுட்டங்கள் வர வாய்ப்பிருப்பதால் மாற்ற வேண்டியதாகிவிட்டது.)

    Read Disclaimer!

     Have a good day!

Advertisements

April 29, 2009 at 7:54 am 5 comments

27-04-2009

      இம்மாதம் முடிய இன்னும் நான்கு தினங்களே உள்ளன.  நமது சந்தையோ 3300 என்ற நிலையில் மிகவும் வலுவாக உள்ளது. நடுவில் ஏற்பட்ட தள்ளாட்டங்களும் அதை மையப்படுத்தியே அமைந்துள்ளன.  இது சிறிய முதலீட்டாளர்களுக்கு ஒரு போலியான நம்பிக்கையை வரவழைக்கும் செயலாகவே நான் பார்க்கிறேன்.

        எது நடந்தாலும் 3300 என்ற நிலை மிகவும் வலுவானது அதனை தாண்டி சந்தை போகாது என உறுதியாக நம்ப ஆரம்பித்து விடுகிறார்கள்.  சந்தையின் அச்சாணிகளாக இருக்கும் குழுமங்களின் காலாண்டு அறிக்கைகள் சொல்லிக்கொள்ளும் வகையில் இல்லை.  ஆனால் ஊடகத்தில் அதைப் பற்றிய பெரிய அளவில் அலசல்கள் இல்லை.  உதாரணமாக, ரிலையன்ஸ், ஐசிஐசிஐ வங்கி போன்றவை.

       தற்போது ஆசிய சந்தைகள் சற்று பலமிழந்து காணப்படுகின்றன.  நமது சந்தை ஆரம்பத்தில் உயர்ந்து பின்னர் செல்லிங் பிரஷர் காரணமாக மெள்ள மெள்ள இறங்கவும் வாய்ப்பு உண்டு. சில சிறிய துறைகள் ஏற்றம் காண வாய்ப்புண்டு.  அவற்றில் ஷார்ட் கவரிங் நடப்பதால்.

       சந்தையின் உண்மையான நிலை தற்சமயம் 2800 என்ற நிலையில் இருப்பதாகவே எனக்கு தோன்றுகிறது.  அதையும் தாண்டி இறங்கினால் சந்தை வெகுவாக இறங்க வாய்ப்பும் உண்டு.  நீண்ட கால முதலீட்டாளர்கள் சற்று பொறுப்பது நல்லது என தோன்றுகிறது. 

       தேர்தல் காலத்தில் சந்தை இறங்கும் வாடிக்கையும் தற்போது மாறியிருக்கிறது. வட நாட்டில் நடந்த இரண்டாம் கட்ட தேர்தலும் சந்தையை பெரிய அளவில் பாதிக்கவில்லை.  இந்த இயல்பிற்கு மீறிய செயல் பின்னர் சந்தையை பாதிக்க வாய்ப்பு இருப்பதாகவே நினைக்கிறேன்.

       தற்போதைய சூழலில் காத்திருத்தலே நல்லது.

      Read Disclaimer.

      Good Morning to you all!

April 27, 2009 at 8:21 am 2 comments

23-04-2009

         இன்றைக்கு இரண்டாவது கட்ட பாராளுமன்ற தேர்தல்.  இந்தியாவின் முக்கிய வணிக மாநிலமாகிய மகாராஷ்ட்ராவிலும் தேர்தல் நடக்கிறது.  இதன் தாக்கம் சந்தையிலும் காணப்படும்.

      சந்தை ஊசலாட்டத்துடன் காணப்படும்.  இறக்கத்துடன் முடியவே வாய்ப்புண்டு என நினைக்கிறேன்.

     வேறென்ன சொல்வது இன்றைய சந்தையை பற்றி.

     Good Morning to you all!

April 23, 2009 at 8:35 am 3 comments

21-04-2009

     நேற்றைய தினம் ஐரோப்பிய சந்தைகள் சரிந்துக் கொண்டிருந்தபோதிலும், அமெரிக்க டோவின் ப்யூச்சர்ஸ் 100 புள்ளிகளுக்கு மேல் இறங்கும் என எதிர்பார்க்கப்பட்டும், நம் சந்தை அவ்வளவாக ரீயாக்ட் செய்யவில்லை. 

      மத்திய அரசின் கடைசி நாட்கள் எண்ணிப் பட்டுக் கொண்டிருக்கும்போது, சந்தையானது 7 சதவீதம் வளர்ச்சி என்ற கோஷத்திற்கேற்க மேலேறிக் கொண்டிருக்கிறது.  நேற்றைய தினம் அமெரிக்க சந்தையானது 280 புள்ளிகளை இழந்து முடிந்திருக்கிறது.  தற்போது தொடங்கியுள்ள ஆசிய சந்தைகளும் இறங்கு நிலையிலேயே இருக்கின்றன.

     இவற்றையெல்லாம் கணக்கில் கொண்டு நமது சந்தை இறக்கத்துடன் தொடங்கும் என்றாலும், சில ‘புதிய காளைகள்’ சந்தைக்கு வந்துள்ளதால் மேலேற வாய்ப்புண்டு என்ற நம்பிக்கையில் புதிய முதலீடுகளை செய்வதற்கு தீர யோசித்து விடுவது நல்லது.  வரவிருக்கும் மத்திய அரசு காங்கிரஸ் அல்லது பாஜக யாராக இருந்தாலும் பொருளாதார கொள்கையில் எவ்வித மாற்றமும் இருக்காது என்றே நினைக்கிறேன்.

     தேர்தலுக்கு முந்தைய நாட்களில் காணப்படும் சுணக்கம் நமது சந்தையில் தற்போது காணப்படுவதில்லை.  வரும் நாட்களில் எச்சரிக்கையாக இருக்க வேண்டும்.  பழைய கடன்கள் ஏதாவது இருந்தால் அடைத்து விடுவது நல்லது.  (கடன் வாங்கி முதலீடு செய்வது பற்றி நிறைய பல அனுபவங்களை கேட்டிருக்கிறேன். இது பற்றி தனியாக எழுதலாம் என்றிருக்கிறேன். )

      இன்றைய சந்தை இறக்கத்துடன் தான் ஆரம்பிக்கும்.  சென்ற நாட்களில் இருந்தது போல் பணப்புழக்கம் இருந்தால் சந்தை இறக்கத்துடன் ஆரம்பித்து முன்னேற ஆரம்பிக்கும்.  இல்லாவிட்டால் மெள்ள மெள்ள சரிவுகள் இவ்வாரம் முழுவதும் தொடர வாய்ப்புண்டு.

      இன்றைய சந்தையானது -148 முதல் -75 வரை ஆட வாய்ப்புண்டு. ஒருவேளை ஏற்றத்துடன் முடிந்தால் இலாபத்தினை தவறாது உறுதி செய்து கொள்ளுங்கள்.

 Read Disclaimer

Good Morning to you all!

April 21, 2009 at 7:36 am 4 comments

20-04-2009

      வலுவான சந்தை ஏற்றத்திற்கு பிறகு வரும் திங்கள் கிழமை.  தேர்தலுக்கு இன்னும் 20 நாட்களே உள்ளன.  பொருளாதார நிலை இன்னும் சீரடையாத பட்சத்தில் இது போன்ற சந்தையேற்றங்கள் எல்லாம் நிரந்தரமாக நீடிப்பது இல்லை. (சரி விடுய்யா, எத்தனை தடவை தான் சொல்லுவ)

     இன்றைய ஆசிய சந்தை சற்று சுணக்கமாக உள்ளது.  அமெரிக்க சந்தையின் ப்யூச்சர்ஸ்ம் இறக்கமாகவே உள்ளது.  சில முக்கிய இரண்டு  நிப்டி பங்குகளின் (TCS, Axis Bank) ஒன்று தகவல் தொழில் நுட்ப பங்குகளும், வங்கி துறை பங்குகளும் இன்று இதன் காலாண்டு அறிக்கைகளை பொருட்டே நிர்ணயிக்கப் படும்.  இவ்விரு துறைகளும் தான் பொதுவாக கரடிகளால் பிடிக்குள் சந்தை போகும் போது தாக்கப்படும். தொடர்ந்து லாபத்தையே காட்டி வரும் துறைகள் இவை.  இலாபத்தில் சிறிதளவு இறக்கம் இருந்தாலும் சந்தை வெகுவாக ரீயாக்ட் செய்யும்.

      சந்தை ஊசலாட்டத்தில் காணப்படும்.   இலாபத்தை தவறாது உறுதி செய்யுங்கள்.  தின வர்த்தக சந்தை இது.  உண்மையான முதலீட்டாளர்கள் (சரி, சரி) சற்று ஒதுங்கியிருப்பது நல்லது. 

     கோடை விடுமுறையில் எந்த ஊர்களுக்கு போகலாம் என யோசித்து வையுங்கள். 

  Read Disclaimer

 Good Morning to you al!

April 20, 2009 at 7:49 am 5 comments

Kiki’s Delivery Service – விமர்சனம்

       ஒரு இளம் மாலை நேரம்.  காற்று மெள்ள மெள்ள வேகமெடுத்துக் கொண்டிருக்கிறது. ஒரு அழகான ஏரிக்கரை.  அருகிலுள்ள புற்களின் மேல் ஒரு இளம் சிறுமி கண்மூடி படுத்து வானொலி கேட்டுக் கொண்டிருக்கிறாள். Hayao Miyazaki  எனும் அற்புதமான இயக்குநரின் மாயாஜாலம் திரையில் ஆரம்பமாகிறது.

     

பட போஸ்டர் (ஆங்கில மொழி)

பட போஸ்டர் (ஆங்கில மொழி)

 

       அது ஒரு சூனியக்காரிகள் வசிக்கும் கிராமம்.  அக்கிராம வழக்கப்படி பதிமூன்று வயதாகும் இளம் சூனியக்காரிகள்  அக்கிராமத்தை வெளியேறி ஒரு வருடம் வெளியே வசிக்க பழகிக் கொண்டிருக்க வேண்டும்.  அந்த காலமானது அவர்களது திறமைகளை அடையாளம் காண உதவும் என நம்புகிறார்கள்.  இளம் சூனியக்காரியான கிகி தனது பெற்றோரின் தயக்கமான அனுமதிக்கு பிறகு தன் தாயாரின் துடைப்பத்தில் தன் செல்லக் கருப்புப் பூனையுடன் ஏறி தான் வசிக்கப் போகும் நகரத்தைத் தேடி பறந்து செல்கிறாள்.

      கடலையே பார்த்திராத அவள் கடற்கரையை ஒட்டி அமைந்துள்ள ஒரு நகரத்திற்கு வந்து சேர்கிறாள்.  அந்த நகரம் அவளை எவ்வாறு எதிர்கொள்கிறது, கிகி நகர வாழ்க்கைக்கேற்ப மாறிக் கொண்டாளா?  அந்நகரம் அவளுக்கு கற்றுக் கொடுத்த பாடம்தான் என்ன? 

     ஆரம்பத்தில் அந்நகரத்தில் இருப்பவர்களால் ஒதுக்கப்படும் கிகிக்கு ஒரு பேக்கரி நடத்தும் பெண்மணி அடைக்கலம் கொடுக்கிறாள்.  தன் பறக்கும் சக்தியால் ஒரு கூரியர் சர்விஸ் ஒன்று நடத்தவும் ஆரம்பிக்கிறாள். அவளுடன் பழக விரும்பும் ஒரு சிறுவனை ஆரம்பத்தில் புரிந்துக் கொள்ளாமல் விரட்டியடிக்கும் கிகி பின்னர் மனம் மாறி அவனுடன் நட்பு கொள்கிறாள்.  அந்த சமயத்தில் அவளுடைய பறக்கும் சக்தி அவளை விட்டு போய்விடுகிறது. 

         அதற்கு காரணம் அவன்தான் என துயரமடையும் கிகி தன் சக்தியை ஒரு தேடுதலுக்கு பிறகே அடைகிறாள். அதன் பின்னர் அவனுக்கு ஏற்படும் ஒரு ஆபத்திலிருந்து காப்பாற்றி அவனுடன் தன் நட்பை மீண்டும் தொடர்கிறாள். இந்த கதையை அவர் எடுத்திருக்கும் விதம் பிரமிக்கதக்கது. 

படத்தின் ஆரம்பக் காட்சி

படத்தின் ஆரம்பக் காட்சி

       ஒரு மழைக்கால இரவில் பயணத்தை தொடங்கும் அவள் பயணம் தன் இனிய நண்பனை காப்பாற்றுவது வரைக்கும் அருமையான திரைக்கதையை எழுதியிருக்கிறார். ஒரு கடற்கரை நகரம் மழைக்காலத்தில் எவ்வாறு இருக்கும், பறக்கும்போது காற்று திசைமாறும்போது ஏற்படும் திருப்பம்,  காட்டின் நடுவே இருக்கும் அழகிய ஒவியப் பெண்ணின் சிநேகிதம் என ஏகப்பட்ட கவிதைமயமான சித்திர திருப்பங்கள்.

      உங்களுக்கு நான்கு வயது முதல் பத்து வயது வரையிலான குழந்தைகள் இருந்தால் அவர்களோடு உட்கார்ந்து பாருங்கள். நாமும் இப்படிதானே? ஆரம்பத்தில் நமது வீட்டின் அருகேயே பெற்றோர்களின் அருகாமையில், பாதுகாப்பாக இருந்திருக்கிறோம்.  நம்முடைய திறமைகள் எல்லாம் நாம் வெளியே சென்ற பின்புதான் நமக்கே தெரிய ஆரம்பிக்கின்றன. அந்நேரம் நமக்கு ஏற்படும் உணர்வுகள் அனைத்தையும் இந்த சிறுமியிடம் பார்க்கும்பொழுது நம் இளம் பருவத்தை மீண்டும் பார்த்தது போலவே இருக்கிறது.  இவர் இயக்கிய திரைப்படங்களில் காணப்படும் இவரின் முத்திரையும் இதுவே.

        

தன் கனவு நகரத்தை நோக்கி கிகி போகும் காட்சி

தன் கனவு நகரத்தை நோக்கி கிகி போகும் காட்சி

                   இவருடைய படங்கள் ஜப்பானிய படங்கள் என்பதால் ஆங்கில மூலம் இருக்கிறதா என ஆரம்பத்தில் தேடினேன் அவரின் இரு படங்கள் பார்த்த பிறகு.  அவரின் படங்களை எந்த மொழியில் வேண்டுமானாலும் பார்க்கலாமென புரிந்துக் கொண்டேன். கலைக்கேது மொழிகள்!

April 18, 2009 at 7:33 pm 7 comments

இரகசிய உரையாடல்

      இந்த வலைப்பூவை படிப்பவர்களில் சிலர் கடந்த தினத்தன்று ஒரு பிரபலமான வலைத்தளத்தில் கதைத்துக் கொண்டிருந்த போது எடுக்கப்பட்ட உரையாடல் தொகுப்பு.  இதை அனுப்பி வைத்தவர் தன் பெயரை இரகசியமாக வைத்திருக்கும்படி கூறியிருக்கிறார். 

 

(ஜாபர், விசுரேஷ் கதைத்துக் கொண்டிருக்கிறார்கள்) அப்போது வருகிறார் ஜிகார்த்தி.

ஜிகார்த்தி   : வணக்கம், நண்பர்களே.  உங்கள் கருத்துகளை  ஷேர் ஹண்டர் வலைப்பூவில் பார்த்திருக்கிறேன்.  நலம்தானே?

ஜாபர் : வணக்கம், கார்த்தி அவர்களே.  யாவரும் நலமே.

ஜிகார்த்தி :  இந்த வலைப்பூவை தொடர்ந்து படிக்கிறீர்களா?

ஜாபர் : ஆம். நெடுநாட்களாக படித்து வருகிறேன். என்றாவது ஒருநாளாவது புரியும் மாதிரி எழுதமாட்டாரா என்பதுதான் என் அவா.

விசுரேஷ் :  நடுநடுவில் சினிமா விமர்சனம், கதை, கவிதை போன்றவகைளெல்லாம் எழுதுகிறார்.  சமயத்தில் எது கதை, எது பங்கு சந்தை கருத்துகள் என்பதே புரியமாட்டேங்கிறது.

ஜாபர் : அவரிடம் நாசுக்காக இதைப் பற்றி நாம் சொல்ல வேண்டும்.  மென்மையாக, அவர் தவறாக நினைக்கா வண்ணம் இதைப் பற்றி எழுதவேண்டும்.

அனானி : இந்த வரி எப்படியிருக்கிறது என்று பாருங்கள். ‘உனக்கு தெரிஞ்சதை மட்டும் எழுது’. எப்டி?

ஜிகார்த்தி : ஏங்க நீங்க யாருங்க? 

விசுரேஷ் : அவரை ப்யூச்சர்ஸ் பற்றி எழுத சொல்லலாம்.

ஜாபர் :  நல்ல ஐடியா. நீங்க என்ன நினைக்கிறீங்க கார்த்தி?

ஜிகார்த்தி  : அவருக்கு ப்யூச்சர்ஸ் பற்றி ஒன்னும் தெரியாதுங்க.

ஜாபர், விசுரேஷ் (அதிர்ச்சியுடன்) :  என்னங்க சொல்றீங்க?

ஜிகார்த்தி :  ஆமாங்க. ஒரு தபா அவர கேட்டேன், நிப்டி ப்யூச்சர்ஸ் எப்டி இருக்கும்னு. அவரு சொன்னாரு.  இப்ப ஒன்னும் சொல்ல முடியாது.  ஒரு வருஷம் கழிச்சு நல்லா இருக்கும்னு.

ஜாபர்  : உங்கள் கருத்தை அவர் தவறாக புரிந்து கொண்டிருக்கலாம் அல்லவா?

ஜிகார்த்தி : நானும் அப்டிதான் நினைச்சு ஆப்ஷன் பத்தி கேட்டதற்கு அவர் சாய்ஸ்  கொடுங்கன்னு சொல்றாரு. புட் வாங்கலாமா கேட்டதற்கு பட்டுன்னு புட் வாங்குங்கன்னு கால் கொடுக்க மாட்டேங்கிறாரு.

ஜிகார்த்தி :  ஆனா ஒன்னுங்க. அவரால சில நேரத்துல நஷ்டத்துலந்து தப்பிச்சுருக்கேங்க.

விசுரேஷ் (ஆச்சரியத்துடன்) :  அப்படியா?  எப்டி?

ஜிகார்த்தி :  சிலசமயம் அவரு என்னா எழுதியிருக்காருன்னு படிச்சவுடனே தலை அப்டியே கிர்ருன்னு ஆயிடும்.  அந்த சமயத்துல கொஞ்சம் ரிலாக்ஸா இருந்துட்டு வந்துட்டு திரும்பறத்துக்குள்ளே சந்தை முடிஞ்சு போயிடும். இந்த மாதிரி நிறைய சம்பவங்கள்.

விசுரேஷ் :  அவரு ஏன் பங்குகள் வாங்க பரிந்துரைகள் செய்ய மாட்டேங்கறாரு?

அனானி : தெரிஞ்சாதானே?

ஜாபர் :  ஒருவேளை அனானி சொல்ற மாதிரி அவருக்கு தெரிஞ்சத மட்டும் எழுத சொல்லலாமா?

அனானி:  எழுதறத நிறுத்திட்டாருன்னா?

(அனைவரும்) : எதுக்கு வம்பு? எதுவும் பேசமா காலையிலே அவரு எழுதியிருக்கிறத படிச்சுட்டு சுவத்துல நாலு தடவை முட்டிகிட்டு மார்க்கெட் போயிடலாம்.

 

      Happy weekend, friends. 🙂

April 17, 2009 at 7:48 pm 12 comments

Older Posts


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 3 years ago
  • If my office is attacked by ninjas right now, I might get a day's off. 4 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 5 years ago
  • Just saw KV Anand's Maatyran trailer. Something struck on me! 5 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 5 years ago
April 2009
M T W T F S S
« Mar   May »
 12345
6789101112
13141516171819
20212223242526
27282930