Archive for May, 2008

Enter with Joy II

     இக்கட்டுரையின் முதல் பகுதியில் வீட்டை விட்டு கிளம்புவது வரைக்கும் எப்படி குஜாலா கிளம்புவது என்று பார்த்தோம். இரண்டாம் பகுதியில் பங்கு தரகர் அலுவலகத்தில் சென்று வணிகம் செய்பவர்களுக்கு சின்ன சின்ன யோசனைகள் :

     வீட்டை விட்டு வெளியே கிளம்பும்போது ஒரு சிறந்த திட்டத்துடன் தான் செல்ல வேண்டும் என்று தனியே சொல்ல தேவையில்லை. ஒரு நாளைக்கு எவ்வளவு நஷ்டத்தை தாங்கலாம் என்பது மட்டுமின்றி கணிசமான இலாபம் வந்தவுடன் வெளியேறும் மனப்பான்மையும் வேண்டும். காலை, நண்பகலில் சம்பாதித்த இலாபமானது கடைசி ஐந்து நிமிடத்தில் பறக்கும் வாய்ப்பும் உள்ளது இல்லையா? 

     உங்கள் பங்கு தரகர் அலுவலகம் தினசரி  50 அல்லது 60 தின வணிகர்களை கொண்டிருந்தால் நீங்கள் அங்கு போய் சேரும் போது அநேகமாக அங்கு ஏதாவது ஒரு சண்டை ஆரம்பித்திருக்கும். யாரேனும் ஒரு வாடிக்கையாளர் உறுமி கொண்டிருப்பார். உங்களுடைய கவனம் சிதற வாய்ப்பு அதிகம். அதற்காக உர்ரென்று யாரையும் பார்க்காமல் அமர்வது என்று அர்த்தமல்ல. நாட்டாமையாக மாறி விடாதீர்கள். மாறினால் உங்கள் பங்கு தரகர் மற்றும் நண்பர் யாரிடமும் நல்ல பெயர் எடுக்க முடியாது. அவர்கள் இருவரும் இரு நாள்களுக்கு பிறகு சிரித்து பேசி கொண்டிருப்பார்கள். உங்களிடம் சிரித்து பேச மாட்டார்கள். ( என் அனுபவம் அப்படி!)

      சந்தை ஆரம்பிக்கும் முன் Pre-Orders போடும் முன்னே ஒரு தடவை தீர்க்கமாக யோசித்துக் கொள்ளுங்கள்.  Pre-Orders போட்ட பிறகும் மாற்றலாம். ஆனால் கடைசி நிமிடத்தில் மாற்ற சொன்னால் பங்கு தரகர் தயங்குவார். உங்கள் Orders மாற்ற போய் மற்றவர்கள் Orders reject ஆக வாய்ப்பு அதிகம். உங்களுக்கும் தேவையில்லா மன உளைச்சல்.

     முதல் 30 நிமிடங்களில் ஏகப்பட்ட orders வருவதால் மிகவும் அனுபவம் வாய்ந்த Terminal Operator கூட தடுமாறுவார். அந்த சமயத்தில் அவர் மேல் கோபம் கொள்ளாமல் மிகுந்த நிதானத்துடன் உங்கள் Orders சொல்லும் மனப்பக்குவம் வந்து விட்டாலே அன்றைய தினம் சுப தினமாகி விடும்.

      பொதுவாக அனைத்து பங்கு தரகர் அலுவலகங்களிலும் கணினி திரையானது Cathode Ray Display (CRT) ஆகவே உள்ளது.   உங்கள் பங்கு ஏற வேண்டுமென்று கணினி திரையையே பதினைந்து நிமிடங்களுக்கு மேல்  வெறித்து பார்த்துக் கொண்டிருந்தால், வயதை பொறுத்து மிதமான அல்லது கடுமையான தலைவலி வர வாய்ப்பு உள்ளது.

முன்றாம் பகுதியில் தொடர்கிறேன் ………

May 31, 2008 at 6:44 pm 1 comment

30.05.2008

     வெள்ளிக் கிழமை. நேற்றைய சந்தையில் ரிலையன்ஸ் பங்கினை மிக அற்புதமாக Operate செய்து சந்தையை கீழே இறக்கி விளையாடினார்கள். ஐந்து நிமிடத்தில் 100 புள்ளிகளை இழந்து பின்னர் மீண்டும் 50 புள்ளிகள் மேலே ஏறி சந்தை seasaw ஆடியது. வங்கி துறை பங்குகள் வேறு பயமுறுத்தி கொண்டேயிருந்தது.லார்சன் & டுப்ரோ ( L & T) பங்கின் நல்ல ரிசல்ட் மற்றும் போனஸ் அறிவிப்பு சந்தைக்கு கிடைத்த ஒரு உற்சாக டானிக்.

      இன்றைய தினம் Inflation result வெளிவரும் நாள். இதே ஆட்டத்தினை சந்தை ஆடக்கூடும். தற்போதைய நிலை வரை Positive  நிலைதான் சந்தையில் இருக்கிறது. தொடக்கம் Gap up or flat  ஆக இருக்கலாம். புதியவர்கள் இன்றும் தின வணிகத்தை தவிர்ப்பது நல்லது. பெட்ரோல் விலை பற்றிய அரசு முடிவினை வைத்து பல Speculations நடக்கக் கூடும்.  லார்சன் & டுப்ரோ ( L & T) பங்கினை வைத்திருப்பவர்கள் இந்த ரெலியில் விற்காமல் கையிருப்பில் வைத்திருக்கலாம். புதியவர்கள் சந்தை இறங்கும்போது வாங்கலாம்.

 இன்றைக்கு கீழ்கண்ட பங்குகளை கவனிக்கலாம் :

L & T, Tata Motor, Axis Bank, MRPL

May 30, 2008 at 6:17 am Leave a comment

29.05.2008

     மாதத்தின் கடைசி வியாழன் கிழமை. சந்தை இன்று Positive ஆக ஆரம்பித்தாலும், ஏற்ற இறக்கங்களுடன் இருக்கும். இந்தியன் ஆயில் கார்பரெஷன் (IOC)  இந்த காலாண்டு அறிக்கையில் நஷ்டத்தை காட்டியுள்ளது இச்சமயத்தில் குறிப்பிடதக்க ஒரு செய்தியாகும்.

     சந்தை இன்று 5,000 புள்ளிகளை தொடுவதற்கு வாய்ப்பு உண்டு என நினைக்கிறேன். அதே புள்ளிகளில் முடியுமா என்பது வேறு விஷயம். பங்கு சந்தைக்கு புதியவர்கள் இன்று தின வணிகத்தில் ஈடுபடாமல் இருப்பது நல்லது. ஏதேனும் பங்குகள் விற்பதற்கு முயன்றால் உங்கள் விலையை போட்டு விட்டு நகர்ந்து விடுவது நல்லது.

      இன்னும் ஒரு மாத காலத்திற்கு பங்கு முதலீட்டுக்காக நீங்கள் ஒதுக்கியுள்ள தொகையில் சுமார் 20 சதவிதம் ரொக்கமாக பங்கு தரகர் அலுவலகத்தில் இருக்குமாறு வைத்துக் கொள்ளலாம். 

 

May 29, 2008 at 6:26 am Leave a comment

28.05.2008

     அமெரிக்க சந்தை Positive ஆக முடிந்திருக்கிறது. தொடங்கியுள்ள ஆசிய சந்தைகள் Negative தொடங்கியுள்ள போதிலும் நாளடைவில் Positive ஆக மாற கூடும். நமது சந்தையும் Positve ஆக தொடங்கும். கடந்த ஒரு வாரமாக சந்தை தடுமாறி வருகிறது. Short covering என்பது கடந்த மற்றும் இந்த வார Strategy என்றே ஆகிவிட்டது.  இந்த வாரம் சந்தை 5100 என்ற புள்ளிகளை தாண்டும் என நம்புகிறேன்.

     இன்றைக்கு கீழ்கண்ட பங்குகளை கவனிக்கலாம் :

NTPC, Idea, JK Paper, RCF,Powergrid.

May 28, 2008 at 2:39 am Leave a comment

27.05.2008

     நேற்று அமெரிக்க சந்தைகள் அனைத்திற்கும் விடுமுறை நாள். இன்றைய ஆசிய சந்தைகள் Positive ஆக தொடங்கியுள்ளன. நமது சந்தையும் Positive ஆக தொடங்கும் என நினைக்கிறேன்.வழக்கம்போல் Selling Pressure இருக்கும்.

     கச்சா எண்ணெய் விலை உயர்வால் பெட்ரோல் விலை உயர்வை பற்றி மத்திய அரசு தீவிரமாய் பரிசீலித்து வருகிறது. ரு.17 வரை விலை உயர்த்த போவதாய் செய்திகள் வெளியாகின்றன. இதனை இடது சாரிகள் வழக்கம்போல் எதிர்க்காமல், இதை தீவிரமாய் வேறு கட்டத்திற்கு கொண்டுபோக கூடும். நம் நாட்டில் அரசின் முக்கிய கொள்கை முடிவுகள் அனைத்தும் “மக்களின் ஒட்டு” என்பதை வைத்தே அளக்கப் படுகின்றன. இது குறித்து தீவிரமாய் எதிர்ப்பு கிளம்பலாம்.
      இத்தருணங்களில் நாம் செய்ய கூடியது என்ன? பெட்ரோல் விலை உயர்வு தவிர்க்க முடியாதது என முடிவு செய்து Oil Sector பங்குகளை வாங்கலாமா அல்லது இன்னும் சிறிது நாள் பொறுத்திருப்பதா என்ற முடிவு செய்ய வேண்டும். அத்துறையை சார்ந்த பங்குகள் அனைத்தும் ஏறக்குறைய ஒரு வருட குறைந்த விலையையொட்டி விற்பனையாகி வருகின்றன என்பது குறிப்பிடதக்கது. உடனடி இலாபம் எதிர்பார்க்க முடியாது. குறைந்தது ஒரு வருடமெனும் வைத்திருக்க வேண்டும்.

     முதலில் நாம் செய்ய வேண்டியது என்ன வென்றால், சைக்கிள் ஒட்ட பழகி கொள்வது தான் என்றே நான் சொல்வேன். சைக்கிள் என்பது இரு சக்கரங்களை கொண்ட ஒரு உபகரணம். பெடல் உண்டு. கிளட்ச் கிடையாது. பெடலை மிதித்தால் உருண்டு ஒடும். முக்கிமாக எரிசக்தி தேவையில்லை அந்த உபகரணத்திற்கு. மிதிப்பவருக்கு தேவை.

 இன்றைக்கு கீழ்கண்ட பங்குகளை கவனிக்கலாம் :

PTC India, Dabur India, MRPL, ITC.

Be Happy !

May 27, 2008 at 2:26 am 1 comment

26.05.2008 Post Market

      வெள்ளிகிழமையன்று கொடுத்த Home Work நிறைய பேர் உங்கள் கருத்துகளை தெரிவித்திருந்தீர்கள். ஆனால் எல்லோரும் என் ஈ மெயில் முகவரியில் அனுப்பிள்ளீர்கள். அனைத்து கருத்துகளும்  ஆங்கிலத்தில் பதிவு செய்யப்பட்டுள்ளன.  சிலர் மட்டுமே  Suzlon Energy  பற்றி குறிப்பிட்டுள்ளீர்கள். அனைவருக்கும் நன்றி. கருத்துகளை தமிழில், பின்னுாட்டத்தில் கொடுத்திருந்தால் அனைவரும் பார்க்க வசதியாக இருந்திருக்கும். நன்றி, உங்கள் கருத்துகளை பகிர்ந்து கொண்டதிற்கு. நண்பர் புவன் மட்டுமே பின்னுாட்டத்தில் தன்னுடைய கருத்துகளை பகிர்ந்துள்ளார். அவருக்கும் நன்றி. கருத்துகளை பகிர்ந்து கொண்ட அனைவருக்கும் ரு.50,000/- மதிப்புள்ள ( கற்பனையை ரொம்ப அலையவிட வேண்டாம்) பங்குகள் பரிந்துரைகள் அவர்கள் ஈ மெயில் முகவரிக்கு அனுப்பியுள்ளேன்.  மீண்டும் அடுத்த வாரம் வெள்ளி கிழமையன்று புது தலைப்பை  பற்றி அலசலாம்..

May 26, 2008 at 12:28 pm Leave a comment

26.05.2008

     தொடங்கியிருக்கிற ஆசிய சந்தைகள் அனைத்தும் சிவப்பு நிறமாக காணப்படுகிறது. முடிந்திருக்கிற அமெரிக்க சந்தையும் அப்படியே. நமது சந்தை gap downஅல்லது flat ஆக தொடங்கலாம் என்று நினைக்கிறேன். நண்பகலில் ஏதேனும் Positive செய்தி கிடைத்தால், ஐரோப்பிய சந்தைகள் முன்னேற்றமாக தொடங்கினால் காளைகள் சிறிதளவு உற்சாகமடைவார்கள் என எதிர்பார்க்கலாம்.

     அனைத்து ஊடகங்களும் சரிவை பற்றி எழுதுகின்றன. இது போன்ற சமயங்களில் panic ஆகாமல் நமது சந்தையின் real value பற்றி தெரிந்து கொள்ள இது சரியான வாய்ப்பு என நினைப்போம்.
    பாரதி ஏர்டெல் ஆப்பிரிக்காவில் உள்ள எம்டிஎன் நிறுவனத்தை வாங்கும் முயற்சியை தற்சமயம் கைவிட்டிருப்பதாக சொல்லிருக்கிறது. இது அப்பங்குக்கு positive செய்தி. இன்றைய சந்தையில் காளைகள் அதை operate  செய்ய கூடும்.

    இன்னொரு Home Work: சந்தை சடாரென சரிய நேர்ந்தால் உங்கள் கையிலிருக்கும் (ஒரு வருடத்திற்கு தேவையில்லாத) தொகையை எந்தெந்த பங்குகளில் எந்ததெந்த எண்ணிக்கையில் முதலீடு செய்வது என்பதை பற்றி ஒரு தெளிவான திட்டம் தயார் செய்து கொள்வது நல்லது.

 Stay sharp!

May 26, 2008 at 3:01 am Leave a comment

Older Posts


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 3 years ago
  • If my office is attacked by ninjas right now, I might get a day's off. 3 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 4 years ago
  • Just saw KV Anand's Maatyran trailer. Something struck on me! 4 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 4 years ago
May 2008
M T W T F S S
« Apr   Jun »
 1234
567891011
12131415161718
19202122232425
262728293031