Archive for September, 2008

30-09-2008

     அமெரிக்க அதிபர் கொண்டு வந்த போதுமான உறுப்பினர்களின் ஆதரவு இல்லாமல் தோல்வியடைந்துவிட்டது. இப்படிதான் செய்திகள் கசிந்து கொண்டிருக்கின்றன. தற்போதைய நிலை வரை, அமெரிக்க அதிபர் கொண்டு வந்த மீது விவாதங்கள் நடத்தப்பட்டு, வேறு விதமாக போட வேண்டும் என்றே முடிவாகியிருக்கிறது. அதற்குள் அமெரிக்க பங்கு சந்தை எல்லாம் முடிந்தது போல -700 புள்ளிகளுக்கு மேல் இழந்து முடிந்திருக்கிறது.

     இந்த விளைவினை நேற்றே எதிர்பார்த்தது போல், ஆசிய, ஐரோப்பிய பங்கு சந்தைகளும் சரிவடைந்தன. சரி, இன்றைய கதை. ஒரு வித படபடப்பு, லேசாக வருவது போல உணருவது, எதை கேட்டாலும் எரிந்து விழுவது, விரக்தியாக பேசுவது இது போன்ற அறிகுறிகள் கொண்ட யாரையாவது இன்று நீங்கள் பார்த்தால் அவர் ஒரு முதலீட்டாளர் என எளிதில் தெரிந்து கொள்ளலாம்.

     இதை படிப்பவர்களில் சிலருக்கு மிகுந்த எரிச்சலாக இருக்கும். சந்தை சரிந்து கொண்டிருக்கும்போது என்ன ஜோக்கு என்று? இந்த சமயத்தில் தான் நாம் நிதானமாக நடந்து கொள்ள வேண்டும். It’s not the end of the world. It’s time to gather our wits and stay calm.

      இன்றைய சந்தையை மேலும் இறங்க விடாது இந்திய நிதி நிறுவனங்கள் பங்குகளை வாங்க ஆரம்பிக்கக் கூடும். உறுதியாக சொல்ல முடியாது. இது தொடர்பான முயற்சிகளை அவர்கள் மேற்கொள்ள கூடும். இந்தியா-பிரான்ஸ் நாடுகளிக்கிடையே அனுசக்தி தொழிற்நுட்பம் தொடர்பான ஒப்பந்தம் இன்று நிறைவேற்றப்படுகிறது. ஆனால் தற்போதைய நிலையில், இச்செய்தி எந்தமாதிரியான விளைவினை ஏற்படுத்த போகின்றது என தெரியவில்லை.

     ஒரு வருடம் காத்திருக்க முடியுமென்றால், இன்றைய தினம் சந்தை இறங்குகையில் லார்சன் & டுப்ரோ பங்கினை விலை குறைய குறைய வாங்கலாம்.

     இன்றைய தினம் சந்தை இவ்வாறு ஆட போகின்றது, இவ்வாறு முடிய போகின்றது என்றெல்லாம் நான் சொல்ல போவதில்லை. ஒரு வித Open-minded உடன் செல்லுங்கள். யார் கண்டது, நமக்கு சில Surprises கூட சந்தை இன்று கொடுக்கலாம். வழக்கம் போல் மாலை விரிவாக பேசலாம்.

      அடுத்த நாள் 03.10.2008 என்பதை நினைவில் வையுங்கள். இன்று வங்கிகள் கணக்கு முடிக்கும் நாள்.

Post Market :

     சந்தை நமக்கு Surprise தான் கொடுத்தது இல்லையா? இன்றைய அமெரிக்க சந்தை உயர்வுடன் தொடங்கியிருக்கிறது. எவ்வாறு முடியபோகிறது என்று பார்க்கலாம். நேற்று சொன்னது இன்று நடக்கிறது…என்னத்த சொல்றது?

September 30, 2008 at 5:55 am 1 comment

சக்கரக்கட்டி – மீண்டும் விமர்சனம்

      சக்கரக்கட்டி திரைப்படத்திற்கு மிகவும் சிறியதாக விமர்சனம் எழுதியதாக நிறைய பேர் வருத்தப்பட்டுள்ளனர். விரிவான விமர்சனம் இப்போது வழங்குகின்றேன் :

      உலக மக்கள் அனைவரும் எதிர்பார்த்துக் கொண்டிருந்த சக்கரக்கட்டி உலகமெங்கும் கடந்த வெள்ளிக்கிழமையன்று வெளிவந்தது அனைவருக்கும் தெரிந்ததே. வட அமெரிக்கா, தென் அமெரிக்கா, வட ஆப்பிரிக்கா, தென் ஆப்பிரிக்கா போன்ற நாடுகளில் திரையிடப்பட்டு திரையிட்ட இடமெல்லாம் திருவிழாக் கோலம் கொண்டிருக்கிருப்பதாக சி என் என் நிருபர் தெரிவிக்கின்றார். திரையிடப்பட்ட முதல்நாள் அமெரிக்க பங்கு சந்தையே ஸ்தம்பித்ததாக வால் ஸ்ட்ரீட் நிருபர் ஒருவர் வாயை பிளக்கிறார்.

      அப்படி என்னதான் இருக்கின்றது இத்திரைப்படத்தில் என்று நடுநிலையோடு ஆராய்வோம். படத்தை பற்றி ஒரே வார்த்தையில் சொல்ல வேண்டுமானால் பயங்கரம் … இல்லை.. இல்லை பயங்கர அற்புதம்.

     படத்தின் முதல் ஐந்து நிமிடங்களுக்கே கொடுத்த காசு சரியாக போய்விட்டது. நீங்கள் மனச்சாட்சி உள்ளவர்கள் என்றால் அப்போதே எழுந்து வெளியே வந்து விடுங்கள். மீண்டும் அடுத்தக் காட்சி சென்று பாருங்கள்.
     ஒரு சராசரி கல்லுாரி மாணவன் தன் கல்லுாரி வாழ்வில் சந்திக்கும் சவால்கள், அதை எப்படி வெற்றி கொள்கின்றான் என்பதுதான் கதை. இதை படமாக்கியிருக்கும் விதத்தை பற்றி சொல்ல வேண்டுமா? வேண்டாம், படத்தின் சுவாரஸ்யம் போய்விடும்.

      படத்தின் கதாநாயகனுக்கு இது முதல் படம் என்றே நம்ப முடியவில்லை. கல்லுாரி மாணவனின் வேடத்தில் வாழ்ந்திருக்கின்றார். இதை பார்க்கும் கல்லுாரி மாணவர்கள் ஒருவரை ஒருவர் கட்டிபிடித்து கதறி அழுவதை திரையரங்கில் பார்க்க முடிந்தது. உணர்ச்சிகரமான காட்சிகளில் அவரின் நடிப்பு National Highway-ல்  இருக்கும் ஒரு மைல்கல். கதாநாயகன் தமிழ் பேசி நடிக்கும்போது அவரின் முகபாவத்தில் தோன்றும் நவரசத்தையும் வர்ணிக்க முடியுமா? ஐயோயோ, முடியாது. பார்த்தால் தான் தெரியும்.
    கதாநாயகிகள் இரண்டு பேர். தமிழ் திரையுலகில் நடிக்க தெரிந்த கதாநாயகிகள் அபூர்வம். அந்த குறை இப்படத்தில் நீங்கியது. போட்டி போட்டுக் கொண்டு நடித்தித்திருக்கின்றார்கள். தன் காதலை கதாநாயகனித்திடத்தில் வெளிபடுத்தும் முறை யாருக்கும் தெரியாமல் (தியேட்டர் ஆபரேட்டருக்கு கூட)  கதாநாயகனுக்கு மட்டும் தெரியும் வண்ணம் அமைந்திருப்பது சிறப்பாக உள்ளது.

     இயக்குநருக்கு இது முதல் படமாம். நம்ப முடியவில்லை. நம்பவே முடியவில்லை. படம் முடிந்த பிறகு அனைவரும் ஒருவித பிரமையில் இருக்கின்றார்கள். இந்த காலத்தில் யாரையும் நம்ப முடியாது என்பதற்காக கதை, திரைக்கதை, வசனம் மற்றும் இயக்கத்தையும் அவரே கையில் எடுத்திருக்கின்றார். படத்தின் உரையாடல்கள் மிகவும் சிறப்பாக உள்ளன. தமிழருக்கு ஆங்கிலம் பேச தெரியாது என்று நினைக்கும் வீண் பதர்கள் இத்திரைப்படத்தை பார்த்தால் வெட்கி தலைகுனிவர்.

    இசை ஏ ஆர் ரகுமான். சுமாராகவே இசை அமைத்திருக்கின்றார். பேசாமல் இயக்குநரே இசையும் தன் பொறுப்பில் வைத்திருக்கலாம். படத்தின் சுமாரான பாடல்களுக்கு இயக்குநர் படம் பிடித்திருக்கும் விதம் உலகதரம்.
  Hollywood    வெட்கி தலைகுனியும் வண்ணம் கிராபிக்ஸ் அமைந்திருப்பது இப்படத்தின் மற்றொரு சிறப்பு.

    இந்த திரைப்படம் அனைத்து தமிழர்களும் பார்க்க வேண்டிய ஒரு கருத்துப் பெட்டகம். காவியம். காப்பியம். ( இரண்டும் ஒன்றா?)  தமிழக அரசு முழு வரிவிலக்கு கொடுத்து பள்ளி, கல்லுாரி மாணவர்களை பார்க்க செய்ய வேண்டும்.
மொத்தத்தில் சக்கரக்கட்டி – டயபடீஸ்காரர்களும் பார்க்கலாம்.

September 29, 2008 at 7:18 pm 12 comments

29-09-2008

      இன்றைய தினம் கீழ்க்கானும் Positive செய்திகள் இருப்பதால், சந்தை ஆரம்பத்திலேயே gap up ஆக ஆரம்பிக்கும் என எதிர்பார்க்கலாம். தற்சமயம் ஆசிய சந்தைகள் அனைத்தும் Positive ஆகவே தொடங்கியுள்ளன. நமது சந்தையிலும் ஒரு gap up +75 எதிர்பார்க்கலாம்.

1. “வரும், வராது” என இழுத்துக் கொண்டிருந்த இந்திய-அமெரிக்க நியூக்ளியர் ஒப்பந்தம் ஒரு வழியாக அமெரிக்க சபையில் நிறைவேறிவிட்டது.
2. அமெரிக்க நிதி நிறுவனங்களின் தள்ளாட்டத்தை போக்க $700 பில்லியன் மதிப்புள்ள Bail-out திட்டத்திற்கு அமெரிக்க சபை இன்று அனுமதி அளித்து விடும்.

3. நிப்டியில் உள்ள லார்சன் & டுப்ரோ (Larsen & Toubro)  நிறுவனம் போனஸ் பங்குகளை 1:1 என்ற விகிதத்தில் வழங்க ரெக்கார்ட் தேதியாக 01.10.2008 என்ற தேதியில் வைத்துள்ளதால், இன்றைய தினம் அப்பங்கானது கிட்டத்தட்ட ரு.300/- அளவில் மேலேறும் என எதிர்பார்க்கலாம்.

4. NTPC, TATA Power, Powergrid போன்ற பங்குகளும் மேலேறும். Reliance, Reliance Communications பங்கில் நிறைய short  போயிருப்பதால், இன்று அதில் short-covering நடக்கும் எனவும் எதிர்பார்க்கலாம்.

     மொத்தத்தில் இன்றைய தினம் Very Positive. வெள்ளியன்று நான் சொன்ன மாதிரியே அமெரிக்க அதிபரே முன்னின்று இந்த Bail-out Plan நிறைவேற்ற போகின்றார். அதற்குள் எத்தனை வதந்திகள் கிளம்பிவிட்டன.

Rise & Shine ! Have a Very Positive Day!

Post Market:

“பயம்”. தற்போது நம் முதலீட்டாளர்களின் மனதில் இருக்கின்ற ஒன்று. இருக்கக் கூடாததும் அதுவே. காலையில் எழுதிய அனைத்திற்கும் நேர்மாறாக இருந்தது சந்தை. இது போன்ற குட்டை குழம்பிய சமயங்களில் பெரிய மீன்கள், சிறிய மீன்களை முழுங்கும். பெரிய அளவில் பயப்பட வேண்டிய அவசியமில்லை. 


      இந்த ஜனவரியில் நிப்டி 6000 புள்ளிகளிலிருந்து, 4400 புள்ளிகள் வரை சரிந்தது. கிட்டத்தட்ட 1600 புள்ளிகள். ஒரே வாரத்தில். அப்போது இருந்த பயம் தான் இப்போதும் இருக்கின்றது. ஒரு வருடத்திற்கு தேவையிருக்காத பணத்தை மட்டுமே முதலீடு செய்யுங்கள். விற்க வேண்டிய காலமல்ல இது.

      கிட்டத்தட்ட அனைவரின் கணிப்புகளையும் பொய்யாக்கிவிட்டு, சரிந்தது இன்றைய சந்தை. 200 புள்ளிகளுக்கு மேலாக இழந்து, கடைசி ஒரு மணிநேரத்தில் 65 புள்ளிகளை மீட்டெடுத்து -135 புள்ளிகளை இழந்து முடிந்திருக்கிறது. அமெரிக்க சந்தை ஆரம்பித்தவுடன், இது பற்றி விரிவாக எழுதுகின்றேன்.

September 29, 2008 at 5:51 am 9 comments

சக்கரகட்டி – திரை விமர்சனம்

          சக்கரகட்டி படத்தில் வரும் “டாக்ஸீ,டாக்ஸீ” பாடல் Super Hit ஆனதை தொடர்ந்து அந்த பாடலை  re-shoot செய்திருக்கிறார்கள். படத்தையும் re-shoot செய்திருக்கலாம். அவ்வளவுதான்.

September 26, 2008 at 8:31 pm 18 comments

26-09-2008

     அமெரிக்க அரசு கொண்டு வந்த Bailout Plan -செனட் அங்கீகாரத்திற்காக வைக்கப்பட்டிருக்கிறது. எப்படியும் அங்கீகாரம் கிடைத்து விடும் என்ற நம்பிக்கையில் அமெரிக்க சந்தை நேற்று +300 மேலேறியது. ஆனால், அங்கும் எதிர்கட்சிகள் இருப்பதால் 196 புள்ளிகள் மட்டுமே உயர முடிந்தது. தற்போது தொடங்கியுள்ள ஆசிய சந்தைகள் அந்த சந்தேகத்தில் இருப்பதாகவே தோன்றுகிறது.

    நம் சந்தையை பொறுத்தவரை இன்று ஆரம்பத்தில் gap up ஆக தொடங்கினாலும், சிறு முதலீட்டாளர்கள் சந்தையை ஏறவிடாது Profit-booking or loss-booking செய்ய ஆரம்பிப்பார்கள். இந்த வாரக்கடைசியில் மேற்சொன்ன Bailout Plan நிறைவேற்றப்பட்டால் அடுத்த வாரம் முதல் சந்தை 4400 என்ற நிலையை சந்திக்கும் வாய்ப்பும் இருக்கிறது. தற்சமயம் இருப்பது ஒரு Gamble Plan மட்டுமே. இன்றைக்கு சந்தை ஏறும்போதே விற்று விட்டு வெளியேறுவது நல்லதா அல்லது இரண்டு நாட்கள் காத்திருந்து கூடுதல் இலாபத்திற்கு விற்பதா என்ற இரு முடிவுகளே உள்ளன.

     என்னுடைய தனிப்பட்ட கணிப்பு என்னவென்றால், அமெரிக்க அரசு தன்னுடைய கடைசி ஆட்சிக் காலத்தில் இதுபோன்ற நிதி சீர்குலைவுடன் வெளியே செல்ல விரும்பாது. மேலும், அமெரிக்காவில் முதலீட்டாளர்கள் எண்ணிக்கை அதிகம். அவர்கள் ஒட்டு கிடைக்காது. எதிர்கட்சிகள் இதை எதிர்த்தாலும், அவர்கள் ஆதரவு கொடுத்தே ஆகவேண்டும்.

     இன்றைய தினம் சந்தை உயரவே வாய்ப்புள்ளதாக நான் கருதுகிறேன். +75 புள்ளிகளுக்கு மேல் உயர வாய்ப்புள்ளது.

    இன்று “காதலில் விழுந்தேன்” வெளியாகின்றது. சன் டிவி வாங்கியிருப்பதால், ஏகப்பட்ட விளம்பரங்களுக்கிடையில் வெளியாகிறது. படத்தின் தரம் எப்படி என்று இன்று தெரிந்து விடும்.

American Bailout has to help Indian Market! I Wish  M……. ……ee as Opposition Leader at American Senate.

September 26, 2008 at 6:39 am 7 comments

25-09-2008

     இன்றைய தினம் Futures & Options முடியும் நாள். நேற்று அமெரிக்க சந்தை பல்வேறு ஆட்டங்கள் ஆடி 29 புள்ளிகளை இழந்து முடிந்திருக்கிறது. அங்கும் மக்கள் ஒருவித பயத்திலேயே இருக்கின்றார்கள். ஆனால் இதுபோன்ற சந்தர்ப்பங்களை மிகச் சரியாக பயன்படுத்திக் கொண்டுதான் சில முதலீட்டாளர்கள் உலகின் மிகப் பெரிய கோடீஸ்வரர்கள் ஆனார்கள் என்பதை நினைவில் வைத்துக் கொள்ள வேண்டும்.
      அவர்களுக்கும், நமக்கும் உள்ள வித்தியாசம் என்னவெனில் இச்சமயங்களில் ரு.10 வாங்கிய பங்கினை, ஆறு மாதங்கள் கழித்து ரு.30 வரும்போது முதலீடு இரு மடங்காகி விட்டது என்ற மகிழ்ச்சியுடன் நாம் அதை விற்று செய்து profit-booking  விடுவோம். அவர்கள் ஐந்து வருடங்கள் கழித்து, ரு.1800 என்ற விலையில் profit-booking  செய்வார்கள்.  பொறுமை தான் அடிப்படை.

     உலக பொருளாதாரத்தில் ஒரு வித மந்த நிலையும், பாதுகாப்பின்மையும் நிலவுகின்றது. அமெரிக்க அரசு வாக்களித்த Bailout திட்டத்தை செயல்படுத்துமா என்ற சந்தேகமும் சந்தை வட்டாரங்களில் நிலவுகின்றது.  அனைத்து ஊடகங்களும் விற்றுவிட்டு வெளியேறுங்கள் என கூவுகின்றன. எதனை கேட்பது என்ற குழப்பங்கள் உங்களுக்குள் இருக்கலாம்.

     உங்கள் ஆறுதல் அளிக்கும் ஒரு விஷயம் என்னவென்றால், எனக்கும் அந்த குழப்பங்கள் இருக்கின்றன மற்றும் அனைவருக்குமே அந்த  குழப்பங்கள் இருக்கின்றன.

      சந்தை இன்று +10-35 புள்ளிகளுடன் ஆக ஆரம்பிக்க வாய்ப்பு உண்டு. நண்பகலுக்கு மேல் சந்தை பொறுத்து சந்தை திசை மாறும் என்றே நினைக்கிறேன். ஐரோப்பிய சந்தைகளின் ஆரம்பம் நம் சந்தையின் நிலையை மாற்றக் கூடும். கச்சா எண்ணெய் விலை தற்போது stabilise ஆகி வருவதாக தெரிகின்றது. பெரிய தலைகள் இன்று மொத்தமாக வாங்கக் கூடும் என்று நம்புகின்றேன். அவ்வாறு நடந்தால் நன்றாக இருக்கும்.

      சந்தை இன்றைய தினம் Positive இருப்பதாக எனக்கு படுகின்றது. ஆனால் இன்றைய தினம் எதையும் உறுதிபட சொல்வதற்கில்லை என்பதால், சற்று எச்சரிக்கையாக இருக்கவும்.

Have a Good Day!

Post Market:

      இன்றைய தினம் சந்தை இறங்கினாலும், சமாளித்துக் கொண்டு மேலேறியிருக்கிறது. அமெரிக்க சந்தையில் நிதி சீர்திருத்த நடவடிக்கைகளை செனட்டில் ஒப்புதல் வாங்கி நடத்தபோவதாக அறிவிப்பு வந்தபிறகு, சந்தை ஒரளவு stabilise ஆகும் என எதிர்பார்க்கலாம். ஆனால் சந்தையின் மையம் தற்சமயம் பயமாக உள்ளது. அமெரிக்க சந்தை +300 புள்ளிகளுக்கு மேலாக இருக்கிறது. எவ்வாறு முடிகின்றது என்பது தெரிந்தால் தான் நாமும் அடுத்தக் கட்ட நடவடிக்கைகளை பற்றி யோசிக்க முடியும் என்பதால் இன்றைக்கு எல்லோரும்  “டோ ஜோன்ஸ்-ம் கபால ராஜ்யமும்” என்ற Hollywood திரைபடத்தினை பார்ப்போம்.

September 25, 2008 at 6:48 am 4 comments

முதலீட்டாளர்களின் அடிப்படைத் தேவைகள் I

      பங்கு சந்தையில் நுழைந்து முதலீட்டாளர் என பெயரும் எடுத்தாயிற்று. அவருக்கு என்னென்ன அடிப்படை தேவைகள் இருக்க வேண்டும் என பார்ப்போம்.

 இணையத் தொடர்பு

     முதலில் அடிப்படை தேவை என்று பார்த்தால், இணையத் தொடர்பு அவசியம். இணையத்தில் உலவ, ஒரளவு கணினி அறிவு இருந்தாலே போதும். இணையத் தொடர்பிலே பிராட்பேண்ட் (Broadband) தொடர்பாக பெற்றுக் கொள்வது நல்லது. செலவை பார்க்காமல் அன்லிமிட்டேட் பிராட்பேண்ட் தொடர்பாக இருத்தல் நலம். ஏனெனில் சில முக்கியமான நிகழ்வுகளை பார்க்கின்றபோது, இத்துடன் பத்து மணி நேரம் முடிவடைகிறது, அடுத்த ஒரு மணிநேரத்திற்கும் வேறுமாதிரி கட்டணம் போன்ற எண்ணங்கள் இல்லாமல் இருக்க மேற்சொன்ன Unlimited Broadband பொருத்திக் கொள்வதே நல்லது. ஒவ்வொரு ஊரிலும் இணையத்தை பரப்ப சில சிறப்பு கட்டணங்கள் கொடுப்பதாகவும் கேள்விபடுகின்றேன். உங்கள் ஊரில் உள்ள கட்டண விவரம் என்பதை நீங்கள் பகிர்ந்து கொண்டால் மற்றவர்களுக்கு உதவியாக இருக்கும்.

      இணையத்திற்காக மாதந்தோறும் செலவிடப்படும் தொகையும் ஒரு முதலீடே என்பதில் எனக்கு நம்பிக்கை உண்டு. இன்னும் சில வருடங்களில் ஏறக்குறைய 70% சதவீதம் இணையம் இல்லாத வீடே இருக்க முடியாது. அவ்வாறு நம் வாழ்வில் தவிர்க்க முடியாத அம்சமாக தற்போது செல்போன் ஆகியிருப்பதுபோல, இணையமும் ஆகிவிடும். தற்சமயம் IP TV சில நகரங்களில் பரிச்சார்ந்த முறையில் அறிமுகப்படுத்தி நல்ல ஆதரவும் கிடைத்திருக்கிறது. அது பற்றி தனியாக பேசலாம்.

செய்தித் தாட்கள்

      செய்தித் தாட்கள் என்று எடுத்துக் கொண்டேமென்றால் வணிக செய்திதாள் ஒன்றையாவது படிப்பது நலம். ஆனால், வணிக செய்திதாள் எல்லாம் ஆங்கிலத்தில் தான் வருகின்றன. ஆங்கிலத்தில்  Business Line, The Economic Times, The Financial Chronicle, The Financial Express, The Business Standard என்ற செய்திதாட்கள் வெளிவருகின்றன. அவற்றில் The Financial Chronicle நன்றாக இருக்கின்றபோதிலும் தற்சமயம் சென்னையில் மட்டுமே வெளிவருகின்றது. The Times of India புதிய பதிப்பு ஒன்றை சென்னையில் திறந்திருக்கின்றார்கள் (அட்டகாசமான விளம்பரத்துடன் “சென்னையில் ஒரு நாள் : நாக்க முக்க பாடலுடன்” விளம்பரத்தை பார்த்திருப்பீர்கள்). விரைவில் தமிழகத்தில் அனைத்து பகுதிகளுக்கும் The Economic Times கிடைக்கும் என எதிர்பார்க்கலாம்.தமிழகத்தின் மற்ற பகுதியில் உள்ள முதலீட்டாளர்களுக்கு Business Line ஒன்றுதான் வழி.

    ஆங்கில அறிவு அவசியத்தை பற்றி ஏற்கெனவே எழுதியிருக்கின்ற படியால், பொதுத் செய்தித்தாள் ஒன்றையும் படித்துவிடுவது நல்லது. தினந்தந்தியில் ஒரு பக்கத்திற்கு வணிக செய்திகள் என்று எக்கானமிக் டைம்ஸ்-ன் செய்திகள் தமிழ் மொழிபெயர்ப்புடன் வெளிவருகின்றன. தினமலரும் வணிக செய்திகளை வெளியிடுகின்றது.

வார இதழ்கள்

      வார இதழ்கள்களை பொறுத்த வரையில் நுாலங்களிலும் படிக்கலாம். கீழ்க்கண்ட வார இதழ்களை படிப்பது அவசியமானது என கருதுகின்றேன்.

துக்ளக் :      நல்ல பொருளாதார கட்டுரைகளுடன், அரசியல் நிகழ்வுகளை பற்றிய அலசலுடன் வெளிவருகின்றது. அதன் ஆசிரியர் திரு.சோ அரசியல் பற்றி எழுதும் தலையகங்கள் அனைத்தும் படிக்க சுவாரஸ்யமானவையாக இருக்கும். துக்ளக் ஆசிரியர் பற்றி பலவிதமான விமர்சனங்கள் இருந்தபோதிலும், துக்ளக் வாசிப்பது நல்லது என்பது என்னுடைய தனிப்பட்ட கருத்தாகும்.

நாணயம் விகடன் :     தற்சமயம் பங்கு சந்தை பற்றி தமிழில் வரும் முதலீட்டாளர்களின் அதிக ஆதரவு பெற்ற மாதமிரு இதழ் இதுவாகவே உள்ளது. பங்கு வர்த்தக நிலவரங்கள் வெகு வேகமான மாறிக் கொண்டிருக்கையில் மாதமிரு இதழாகவே உள்ளது குறையாக உள்ளது. the Business Today இதழும் மாதமிரு இதழாக இருந்தபோதிலும், பக்கங்கள் அதிகம், செய்தி சுருக்கங்கள் அதிகமாக இருக்கும். தமிழில் அம்மாதிரி முயற்சிகள் முதலீட்டாளர்களை அயற்சிக்குள்ளதாக ஆக்கும் என விகடன் நிர்வாகத்தினர் நினைப்பதும் சரியே. ஆனால், ஒரு முறை முயன்று பார்த்தால் நன்றாக இருக்கும் என்பது என் கருத்து.
ஆங்கில இதழ்களில் பங்கு சந்தை பற்றி கீழ்க்கண்ட இதழ்கள் இருக்கின்றன.

The Business Today, Businessworld, Outlook Profit, Outlook Money, Dalal Street, Capital India, Business & Economy.

கீழ்க்கண்ட ஆங்கில  இதழ்களை நான் பரிந்துரை செய்கின்றேன்.
The Business Today:      செய்தி சுருக்கங்கள் நன்றாக இருக்கும். கடைசி பதினைந்து நாட்களில் வந்த முக்கிய வணிகச் செய்திகளின் சுருக்கங்கள் மிக தெளிவான முறையில் வெளியிடப்பட்டிருக்கும். வணிக பரிந்துரைகள் அவ்வளவாக இருக்காது. ஆனால் மாதமிருமுறை இதழ். விலையும் குறைவு.

Businessworld:      வார இதழ். வார முக்கிய வணிக செய்தி சுருக்கங்களை கொண்டிருக்கும். கவர் ஸ்டோரிகள் நன்றாக இருக்கும். விலை குறைவு.
Business & Economy:     கல்கத்தாவிலிருந்து வெளிவரும் பிளான்மேன் மீடியா பிரசுரத்தினரால் மிகக்குறைந்த விலையில் வெளிவரும் வணிக இதழ். மிகக் குறைவான விலை என்பது ப்ளஸ். தலையகங்கள் ஒரு மாதிரியாக இருக்கும். இதே பிரசுரகத்திலிருந்து வெளிவரும் தி சன்டே இந்தியன் என்ற இதழையும் பரிந்துரை செய்கின்றேன். (தமிழிலும் வெளிவருகின்றது.)

India Today  : இந்தியா டுடே தலையகங்கள் நன்றாக இருக்கும். இந்தியா தொடர்பான சில முக்கிய செய்திகளை தெரிந்துக் கொள்ளலாம். வாசிப்புப் பட்டியலில் அவசியம் இருக்க வேண்டிய தேசிய இதழ்.

பங்கு சந்தை தொடர்பான வணிகப்பூக்கள்
திரு. சரவணக் குமாரால் நடத்தப்படும் “பங்கு வணிகம்” : ஒவ்வொரு நாளும் பற்றி அவர் கொடுக்கும் விவரங்கள் கட்டாயம் தவறவிடக் கூடாதவை. குறை என்று பார்த்தால் வாரக்கடைசியில் சந்தையை பற்றி அவர் எழுதும் கட்டுரைகள் எல்லாம் நன்றாக இருக்கும். தற்சமயம் அவர் அக்கட்டுரைகளை எழுதுவதில்லை. அவை தொடரப்பட வேண்டும் என்பது என்னுடைய ஆசை.

திரு.சாய் கணேஷ் என்பவரால் நடத்தப்படும் “top10shares” என்ற தளமும் நன்றாக இருக்கும். சந்தையை பற்றி டெக்னிகல் விவரங்களை மிக அருமையாக தமிழில் கொடுத்துக் கொண்டிருக்கின்றார்.

   இவை தவிர வேறு வணிக தளங்கள் கூட இருக்கலாம். தெரியப்படுத்தி, பகிர்ந்து கொண்டால் நன்றாக இருக்கும்.

 கடைசிப் பகுதியினை நாளை நிறைவு செய்கின்றேன்.

September 24, 2008 at 5:48 pm 7 comments

Older Posts


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 3 years ago
  • If my office is attacked by ninjas right now, I might get a day's off. 3 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 5 years ago
  • Just saw KV Anand's Maatyran trailer. Something struck on me! 5 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 5 years ago
September 2008
M T W T F S S
« Aug   Oct »
1234567
891011121314
15161718192021
22232425262728
2930