குதிரை வீரன் குணா அத்தியாயம் 8 சிறை

      நாட்டு நலனுக்காக தன் தந்தையின் உள்ளாடையில் விஷ முள் வைக்கும்போது கூட இளவரசி பூங்காவனத்திற்கு இவ்வளவு மனப்போராட்டம் ஏற்பட்டதில்லை. அவனை என்ன செய்வது என்ற எண்ணமே மனதில் ஓடிக் கொண்டிருந்தது.

      வெளியே வந்தவள், காவலன் மாரியை பார்த்து,

எப்படி அந்த விஷமி மாட்டினான்?

இளவரசி, தளபதி காரியும், நானும் ஒரு சத்திரத்தில் இரவு தங்கினோம். அங்கே இருட்டில் ஒரு வாலிபன் அமர்ந்திருந்தான். தளபதி அவனிடம் ஒலைச்சுருளைக் காட்டி, இவனை பார்த்திருக்கிறாயா என வினவ, மூக்கு சற்று நீளம் குறைவாக இருந்தால் இவன் என்னைப் போலவே இருப்பான் என வியப்புடன் கூறினான். அவனை  பந்தத்தின் ஒளியில் இழுத்து வந்து பார்க்கையில், புரட்சிக்காரன் குஜாலனேதான்.

சாணக்கியபுரிக்கு தெரியாத வகையில் வணிகர் வண்டியில் ஒளித்து இங்கே கூட்டி வந்திருக்கிறோம்.

நல்ல வேலை செய்தீர்கள், நான் அவனை பார்க்க விரும்புகிறேன்.

      தனது கொட்டைகளுக்கு ஏற்பட்ட இக்கட்டு விலகிய உல்லாசத்தில் தளபதி காரி உற்சாகமாக பாடிக் கொண்டிருந்தார்.

புதுசா பறிச்ச பச்சிலை போல

     வாழத்தோப்பு பக்கம் நிக்கிற ரஞ்சிதமே

என் எச்சகலை மனசுல இருக்குறத

   உன் ……

       இளவரசியை பார்த்ததும், பாட்டை பாதியில் விட்டு விறைப்பானார்.

நான் அவனை பார்க்க வேண்டும்.

     அந்த சிறைக் கதவை பவ்யமாக திறந்தார் காரி.

        உள்ளே, கண்ணீருக்கும், சிறுநீருக்கும் மத்தியில் அமர்ந்திருந்தான் இக்காவிய நாயகன் குணா.

(என்னது, இது காவியமா? அடங்……..)

குதிரை வீரன் குணா அத்தியாயம் 7 துப்பு

     தன் கொட்டைகளை இழக்க விரும்பாத காவல்தலைவன் காரி, துணை வீரனாக மாரியை அழைத்துக் கொண்டு, புரவியிலேறி துப்பு துலக்க சாணக்கியபுரிக்கு வந்தான்.

     வாசலில் நின்றிருந்த யவனர் கூட்டத்தினை பார்த்ததும், அவர்களிடமிருந்தே துப்பு துலக்குதலை ஆரம்பிக்கலாமெண்ணி, மாரியிடம்

டேய், புரவியை பார்த்துக் கொள். நான் போய் யவன வீரர்களிடம் போய் பேசி விட்டு வருகிறேன்.

நானும் வருகிறேனே.

மூடனே, வீரர்களுக்கிடையே பேச்சுவார்த்தை நடக்கையில் தூர நின்று கவனி. ஒருநாள் நீயும் என்னிடத்திற்கு வரலாம்.

     யவன வீரர்களிடம் சென்ற காரி, ஒரு குறுஞ்சிரிப்பினை முகத்தில் படர விட்டுக் கொண்டான்.

யவன வீரன் காரியை பார்த்ததும், யவன மொழியில்

ஆஹா, என் நீண்ட கொடுந்தனிமை  உன்னால் முடிய போகிறது. வா வா

     யவன மொழி தெரியாத காரி, புன்னகையை பெரிதாக்கி

இந்த சீலையில் இருக்கும் நபரை பார்த்திருக்கிறாயா?

இவள் பெண் போல இல்லையே? வேறு படங்கள் இருக்கிறதா?

மிக ஆபத்தானவன், ஒரு பெண்ணை பின்னால் தட்டி விட்டான்.

பின்புறம் பெரிதாக இருந்து என்ன பிரயோசனம், இவள் ஆண் போல இருக்கிறாளே

இவன் கிடைத்தால், என் அம்பு இவன் வாயில்தான் பாயும்

அதெல்லாம் சரி, வேறு பெண்கள் இல்லையா?

குதிரையில் இந்த பக்கம் வந்தானா?

யவனன் சோகத்துடன்,

நீ உன்னுடைய சரக்கினை பற்றி உயர்வாக சொன்னாய். என் நீண்ட கால தனிமையை இவள் மூலம் முடிப்பதாக இல்லை. நீ செல்லலாம்.

காரி ஏமாற்றத்துடன் திரும்பினான்.

தலைவரே, ஏதேனும் துப்பு கிடைத்ததா?

அவர்களுக்கு எதுவும் தெரியவில்லை. வா நகர் புகுவோம். எனக்கு தெரிந்த ஒரு சத்திரத்தில் இரவு தங்கலாம்.

(தொடரக் கூடும்)

குதிரை வீரன் குணா அத்தியாயம் 6 காதலன்

    ரணபுஜன் இளவரசி பூங்காவனத்திடம் நாக்கைப் பிடுங்கிற மாதிரி நான்கு கேள்விகள் கேட்டுவிட்டு, சில முத்தங்கள் கொடுத்து போகலாம் என எண்ணிய வண்ணம் அவளின் மாளிகைகுள் நுழைந்தான்.

     இளவரசி பூங்காவனம் மாளிகையின் சாளரத்தை பார்த்த வண்ணம் தீவிர சிந்தனையில் இருந்தாள். அந்த புரட்சிக்காரன் செய்தது போல அவளின் புட்டத்தை தட்ட, ரணபுஜன் முன் நகர்கையில் இளவரசி சரெலென்று திரும்பினாள்.

என்ன தீடீரென்று இங்கே விஜயம்?

என் மனைவியாக போகிறவளை ஒருவன் மக்கள் முன்னிலையில் பலாத்காரம் செய்திருக்கிறான். எப்படி நான் பொறுப்பது?

மூடா, அது நீ நினைப்பது போல் இல்லை. அவன் என் காதலன்.

அதிர்ந்து போன ரணபுஜன், சமாளித்துக் கொண்டு

என்ன சொல்கிறாய்?

காதலன் என்று தானே சொன்னேன், திருமணம் உன்னோடுதான். உனக்கே  பல உறவுகள் உண்டு என அறிவேன்.

அவன் உன் காதலனா? புரட்சிக்காரன் இல்லையா?

அவன் செய்த புரட்சியெல்லாம் என் ….. சரி அதை விடு, மோகத்தினால் அந்த முட்டாள் அப்படியொரு தவறை இழைத்து விட்டான். அவனை சிறிது காலம் ஆலய தரிசனம் செய்ய சொல்லியிருக்கிறேன்.

அப்படியா? அவன் பெயரென்ன?

குஜாலன்.

  அவள் மாளிகையை விட்டு வெளியே வந்த ரணபுஜன், தன் ஒற்றன் ஓ-வை கூப்பிட்டு,

அந்த குஜாலன் உயிருடன் பிடிபட வேண்டும். அவனை வதைச்சாலையில் வைத்து விசாரிக்க வேண்டும்.

இளவரசே,இப்படி ஆகி விட்டதே?

ரணபுஜன் விரக்தியுடன்,

விடடா, அவள் கன்னியும் அல்ல, எனக்கு பெரிய சுன்னியும் இல்லை. அரச வாழ்வில் இதையெல்லாம் தாங்கிதான் ஆக வேண்டும்.

(விரக்தி அவனுக்கு மட்டுமா?)

Legend – பாலய்யா படம்

     கடைசியாக பார்த்த பாலக்கிருஷ்ணா நடித்த திரைப்படம் லாரி ட்ரைவர். நீண்ட நாட்களுக்கு பிறகு அவர் நடித்த லெஜென்ட் படம் பார்த்தேன்.

       குறும்பு புன்னகையுடன் கை பம்பை அடிக்கா விடாத நங்கையிடம் கடலை போட்டு நடித்தவர் இப்போது நடிப்பில் வேறு ஒரு பரிணாமத்திற்கு மாறியிருக்கிறார்.

      படம் ஆந்திராவில் சூப்பர் ஹிட் என கேள்வி. நடனங்களில் கடின உழைப்பினை நல்கியுள்ளார்.

அப்படத்தில் இருந்து  ரணகளமான ஒரு  காட்சி.

    பாலக்கிருஷ்ணாவை ஒரு மத்தியஸ்தத்திற்கு அழைத்து, அவர் முன் ஆந்திராவின் அரசியல்வாதி ஒருவரும், வட இந்திய அரசியல்வாதி ஒருவரும் அமர்ந்திருப்பார்கள். (இதில் வடஇந்தியர் என நான் எழுதியதை நன்கு கவனித்துக் கொள்ளுங்கள்.)

    பேச்சு வார்த்தை தடித்து, வட இந்தியர் என்னுடன் வம்புவைத்துக் கொள்ளாதே என எச்சரிப்பார்.

      பாலக்கிருஷ்ணா அலட்டிக் கொள்ளாமல்,

நான் ஒரு கதை சொல்கிறன் கேள். ஒருவன் தண்டவாளத்தில் எதிர் வரும் ட்ரெயினை நோக்கி ஒடுகிறான். என்ன புரிகிறது உனக்கு?

அவனுக்கு தில் அதிகம் ஆனால் அல்பாயுசு

இன்னொரு கதை. தண்டவாளத்தில் ஒடிக் கொண்டிருக்கும் ஒருவனை நோக்கி ட்ரெயின் வருகிறது. என்ன புரிகிறது உனக்கு?

அவனுக்கு அல்பாயுசு,.

இந்த கதைகளில் நான் ட்ரெயின் என்று யாரை சொல்கிறேன் தெரிகிறதா?

      என பாலக்கிருஷ்ணா கேட்க, அந்த வட இந்தியர் திணறி விடுவார். அவர் வட இந்தியர் அல்லவா? ஆந்திரா அரசியல் பற்றி அறிந்திருக்க வழியில்லை என்பதால், பாலக்கிருஷ்ணாவே அதை விளக்கி சொல்வார்.

அந்த ட்ரெயின் நான்தான். என்னை நோக்கி நீ வந்தாலும், உன்னை நோக்கி நான் வந்தாலும்  அழிவு உனக்குதான். ஹஹஹஹ

     இந்த காட்சியை பார்த்து முடித்ததும், நான் லாப்டாப்பில் படத்தை நிறுத்தி விட்டேன்.

       இந்த ஒரு காட்சிக்கே பணம் சரியாக போய்விட்டது என்றோ, இனி இந்த படத்தை என்னால்  பார்க்க இயலவில்லை என்றோ நீங்கள் நினைக்கலாம். அதெல்லாம் இல்லை.  இடியுடன் மழை பெய்ய ஆரம்பித்ததால், மின்சாரத்தை நிறுத்தி விட்டார்கள். என் லேப்டாப்பில் பேட்டரி சார்ஜ் அவ்வளவாக இல்லை. அதான்.

   மின்சாரம் வந்த பிறகு படத்தை தொடர்ந்து பார்த்து முடித்தேன். மேற்க்காண் காட்சியில் அவர் விளக்கியது போல் வில்லனின் அடியாட்கள் வந்த கார்களை ட்ரெயினை ஒட்டி வந்து அடித்து நொறுக்குவார். அது மற்றொரு அட்டகாசமான காட்சி. அது போல் நான்கோ ஐந்தோ காட்சிகள் உண்டு. சொன்னால், படம் பார்க்க ஆர்வம் போய்விடும்.

பார்த்து ரசியுங்கள். நல்ல மசாலா படம்.

குதிரை வீரன் குணா அத்தியாயம் 5 வதந்தி

கோட்டை வாயிலில் நடந்த  சம்பவத்தில் ஆடிபோயிருந்த குணா, சற்று பதுங்கி தொல்லைகள் ஓய்ந்த பின் வெளிவரலாம் என்றெண்ணி, ஆளரவமின்றி இருக்கும் ஒரு சத்திரத்தை தேர்ந்தெடுத்து யாரும் பார்க்கா வண்ணம் சுவரில் சாய்ந்து ஓய்வெடுக்க ஆரம்பித்தான்.

சிறிது நேரத்தில் களைப்புடன் ஒரு வணிகக் கூட்டம் சத்திரத்தில் வந்தமர்ந்தது.

இன்றைக்கு சாணக்கியபுரியில் அதிக கெடுப்பிடிகள் இருக்கிறது, பார்த்தாயா?

ரணபுஜனின் ஆணவத்தை அடக்க ஒரு வீரன் கிளம்பியிருக்கிறான் என்றான் சும்மாவா?

ரணபுஜனின் வருங்கால மனைவி அந்த பஜாரியை சந்தையில் புரட்டியெடுத்திருக்கிறான். அவன் செல்லுகையில் அவன் பாடிய பாடல்தான் இப்போது புரட்சியின் புதிய கீதம்.

அவள் இதழில் பச்சக்கென்று முத்தமிட்டு புரட்சியின் சுவை உணரடி கிளியே என்ற வசனம்தான் இப்போது இளைஞர்களிடம் பிரபலமாகி வருகிறது.

இளவரசியின் காவல் படைகள் நாளைக்குள் அவனை பிடிக்காவிட்டில் அவர்களுக்கு நேரும் கதி என்ன தெரியுமா?

ஹஹஹஹ  புத்திசாலி அவள். கை, கால் இழந்த வீரரை கூட மணக்க கன்னியர் முன்வருவர்.

சேவகபுரியில் புரட்சிப் படை காட்டிலிருந்து வெளிவந்து குஜாரையே தங்கள் தலைவராக ஏற்றுக் கொண்டு, திரும்ப காட்டிற்கே சென்று விட்டனர்.

குஜாரா? அவன் பெயர் குகூலன் அல்லவா?

சேச்சே. அவன் பெயர் குயுக்தன்.

இல்லையில்லை, குஜீரன்.

குணா என்று சந்தையில் சொன்னதாக நினைவு

புரட்சி வீரன் குணாவா? இருக்கவே இருக்காது.

அனைவரும் சிரித்தார்கள்.

(சத்திரத்தின் மூலையில் கண்ணீர் விடுவது குணா மட்டுமா?)

குதிரை வீரன் குணா அத்தியாயம் 4. அழுகை

    நீண்ட தொலைவு கடந்த பிறகு, ஒரு மாந்தோப்பில் குணாவும், குதிரையும் இளைப்பாறினர்.

என் வாழ்க்கையின் லட்சியமே ஒரு குதிரை சொந்தமாக வாங்கி அனைத்து நிலங்களிலும் பயணம் செய்வது. இப்போது குதிரை இருக்கிறது. என் மனதில் மகிழ்ச்சி மட்டும் இல்லை.

     சாணக்கியபுரிக்கு தன் குதிரையை தட்டி விட்டான். குதிரை காலில் காயம் பட்ட வாத்தின் வேகத்தில் ஒடலாயிற்று.

சாணக்கியபுரியின் கோட்டை வாசலில் ஒரு காவலன் குணாவை தடுத்து நிறுத்தினான்.

ஒரு காலாட்படை ஆள் ஒரு குதிரை வீரனை தடுத்து நிறுத்துவதா? குணாவிற்கு கோபத்தில் கன்னத்தின் ஒரு பக்கம் ஆட ஆரம்பித்தது.

வீரரே, இந்த படத்தில் இருப்பவனை பார்த்தீரா? உம்மால் இவன் கிடைத்தால் உமக்கு நூறு பொன்.

    இப்போது குணாவிற்கு உடலெங்கும் உள்ள தசைகள் ஆட ஆரம்பித்தன. அவனுக்குள் ஆத்திரம், கோபம், சிறுநீர் பீறிட்டு வரும்போல தோன்றியது. முகத்தின் பெரும்பகுதியினை பீதி ஆக்கிரமிததுக் கொண்டது.

இவன் மாட்டினால் என் செய்வீர்?

இளவரசன் ரணபுஜர் இவர் கிடைத்தவுடன் இவர் பின்னால் ஒரு குத்தீட்டியை செருகி, உயிருடன் அவரது பாசறைக்கு அழைத்து வர உத்தரவிட்டுக்கிறார். அது கிடக்கட்டும். நீர் இந்த சீலையில் உள்ள நபரை பார்த்திருக்கிறீரா?

      குரலை திடப்படுத்திக் கொண்டாலும், அதில் அழுகை குடியேறுவதை குணாவினால் தடுக்க இயலவில்லை.

வீரரே, எழுத படிக்க தெரியாத தற்குறி நான். என்னிடம் போய் இந்த படத்தினை காட்டி கேட்டால் என் செய்வேன்.

கடைசி வார்த்தை கேவலில் முடிந்தது.

சரி, நீ போம்.

விக்கியவாறே சாணக்கியபுரியில் குணா நுழைந்தான்.

(அழுதாலும், இன்னும் வரும்)

குதிரை வீரன் குணா அத்தியாயம் 3. ரணபுஜன்

     தகவல் தொடர்பு முன்னேற்றத்தின் உச்சத்தில் இருக்கும் இன்றைய காலக்கட்டத்திலேயே, சேதன் பகத் எழுவதில் இருந்து ஓய்வு பெற்றுவிட்டார் என்கிற வதந்தியை நம்பி நாம் சற்று மகிழ்ந்து கொள்கிறோம். அன்றைய காலக்கட்டத்தில் தகவல் எவ்வாறு திரிந்து செல்லும் என்பதை பார்ப்போம்.

      சாணக்கியபுரி இளவரசன் ரணபுஜன். பெயருக்கேற்றதுபோல் இரு கைகளிலும் காயங்கள் உள்ளவன். அதீத உடற்பயிற்சியினால் விம்மி பெருத்த சதைக்கோளங்களுடன் இருக்கும் முன்கோபி. இளவரசி பூங்காவனத்திற்கும் அவனுக்கும் திருமண பொருத்தம் அவர்களது பெற்றோர்களால் முடிவு செய்யப்பட்டிருந்தது.

     தன் அழகினை ஆடியில் பார்த்து இரசித்துக் கொண்டிருகையில், அவனுக்கு ஒற்றனது ஒலை வந்தது.

மதிப்புக்குரிய வீர தீர ரணபுஜருக்கு.

சேவகபுரியில் புரட்சியாளர் மன்னருக்கு எதிரான நடவடிக்கைக்களை தொடங்கியிருக்கிறார்கள். அப்புரட்சி பக்கவாட்டில் நகர்ந்து சாணக்கியபுரிக்கும் வர நேரிடலாம். இங்கும் சொற்ப புரட்சிகாரர்கள் காரணம் தேடியவண்ணம் இருக்கின்றார்கள்.

இந்த புரட்சிக்கு சூழி போடும் நிகழ்ச்சி நேற்றைய தினம் குதிரை சந்தையில் நடந்தது.

சந்தைக்கு சென்ற இளவரசியின் கூந்தலை பிடித்து இழுத்து, அவளின் புட்டத்தில் கை வைத்த ஒரு புரட்சிக்காரன் புரட்சி தன் பூபாளத்தை பாடும் நேரம் கனிந்து விட்டது என உரக்கக் கூவி, அவளது இதழ்களை முத்தமிட்டு கரும்புரவியில் சிரித்தவாறே சென்றான்.

இது தொடர்பாக துணிகர ஒற்று நடவடிக்கைகளை நான் மேற்க்கொள்ள உள்ளேன், இளவரசே. செலவிற்கு பொன் கழஞ்சுகளை அனுப்பி வையுங்கள் என தண்டமிட்டு கேட்டுக் கொள்கிறேன்.

உங்கள் பிரியத்திற்குரிய ஒற்றன்

ஓ

 

(அய்யகோ, இனி என்ன நிகழ போகிறதோ?)