Archive for May 5, 2015

குதிரை வீரன் குணா அத்தியாயம் 4. அழுகை

    நீண்ட தொலைவு கடந்த பிறகு, ஒரு மாந்தோப்பில் குணாவும், குதிரையும் இளைப்பாறினர்.

என் வாழ்க்கையின் லட்சியமே ஒரு குதிரை சொந்தமாக வாங்கி அனைத்து நிலங்களிலும் பயணம் செய்வது. இப்போது குதிரை இருக்கிறது. என் மனதில் மகிழ்ச்சி மட்டும் இல்லை.

     சாணக்கியபுரிக்கு தன் குதிரையை தட்டி விட்டான். குதிரை காலில் காயம் பட்ட வாத்தின் வேகத்தில் ஒடலாயிற்று.

சாணக்கியபுரியின் கோட்டை வாசலில் ஒரு காவலன் குணாவை தடுத்து நிறுத்தினான்.

ஒரு காலாட்படை ஆள் ஒரு குதிரை வீரனை தடுத்து நிறுத்துவதா? குணாவிற்கு கோபத்தில் கன்னத்தின் ஒரு பக்கம் ஆட ஆரம்பித்தது.

வீரரே, இந்த படத்தில் இருப்பவனை பார்த்தீரா? உம்மால் இவன் கிடைத்தால் உமக்கு நூறு பொன்.

    இப்போது குணாவிற்கு உடலெங்கும் உள்ள தசைகள் ஆட ஆரம்பித்தன. அவனுக்குள் ஆத்திரம், கோபம், சிறுநீர் பீறிட்டு வரும்போல தோன்றியது. முகத்தின் பெரும்பகுதியினை பீதி ஆக்கிரமிததுக் கொண்டது.

இவன் மாட்டினால் என் செய்வீர்?

இளவரசன் ரணபுஜர் இவர் கிடைத்தவுடன் இவர் பின்னால் ஒரு குத்தீட்டியை செருகி, உயிருடன் அவரது பாசறைக்கு அழைத்து வர உத்தரவிட்டுக்கிறார். அது கிடக்கட்டும். நீர் இந்த சீலையில் உள்ள நபரை பார்த்திருக்கிறீரா?

      குரலை திடப்படுத்திக் கொண்டாலும், அதில் அழுகை குடியேறுவதை குணாவினால் தடுக்க இயலவில்லை.

வீரரே, எழுத படிக்க தெரியாத தற்குறி நான். என்னிடம் போய் இந்த படத்தினை காட்டி கேட்டால் என் செய்வேன்.

கடைசி வார்த்தை கேவலில் முடிந்தது.

சரி, நீ போம்.

விக்கியவாறே சாணக்கியபுரியில் குணா நுழைந்தான்.

(அழுதாலும், இன்னும் வரும்)

May 5, 2015 at 5:34 pm 1 comment

குதிரை வீரன் குணா அத்தியாயம் 3. ரணபுஜன்

     தகவல் தொடர்பு முன்னேற்றத்தின் உச்சத்தில் இருக்கும் இன்றைய காலக்கட்டத்திலேயே, சேதன் பகத் எழுவதில் இருந்து ஓய்வு பெற்றுவிட்டார் என்கிற வதந்தியை நம்பி நாம் சற்று மகிழ்ந்து கொள்கிறோம். அன்றைய காலக்கட்டத்தில் தகவல் எவ்வாறு திரிந்து செல்லும் என்பதை பார்ப்போம்.

      சாணக்கியபுரி இளவரசன் ரணபுஜன். பெயருக்கேற்றதுபோல் இரு கைகளிலும் காயங்கள் உள்ளவன். அதீத உடற்பயிற்சியினால் விம்மி பெருத்த சதைக்கோளங்களுடன் இருக்கும் முன்கோபி. இளவரசி பூங்காவனத்திற்கும் அவனுக்கும் திருமண பொருத்தம் அவர்களது பெற்றோர்களால் முடிவு செய்யப்பட்டிருந்தது.

     தன் அழகினை ஆடியில் பார்த்து இரசித்துக் கொண்டிருகையில், அவனுக்கு ஒற்றனது ஒலை வந்தது.

மதிப்புக்குரிய வீர தீர ரணபுஜருக்கு.

சேவகபுரியில் புரட்சியாளர் மன்னருக்கு எதிரான நடவடிக்கைக்களை தொடங்கியிருக்கிறார்கள். அப்புரட்சி பக்கவாட்டில் நகர்ந்து சாணக்கியபுரிக்கும் வர நேரிடலாம். இங்கும் சொற்ப புரட்சிகாரர்கள் காரணம் தேடியவண்ணம் இருக்கின்றார்கள்.

இந்த புரட்சிக்கு சூழி போடும் நிகழ்ச்சி நேற்றைய தினம் குதிரை சந்தையில் நடந்தது.

சந்தைக்கு சென்ற இளவரசியின் கூந்தலை பிடித்து இழுத்து, அவளின் புட்டத்தில் கை வைத்த ஒரு புரட்சிக்காரன் புரட்சி தன் பூபாளத்தை பாடும் நேரம் கனிந்து விட்டது என உரக்கக் கூவி, அவளது இதழ்களை முத்தமிட்டு கரும்புரவியில் சிரித்தவாறே சென்றான்.

இது தொடர்பாக துணிகர ஒற்று நடவடிக்கைகளை நான் மேற்க்கொள்ள உள்ளேன், இளவரசே. செலவிற்கு பொன் கழஞ்சுகளை அனுப்பி வையுங்கள் என தண்டமிட்டு கேட்டுக் கொள்கிறேன்.

உங்கள் பிரியத்திற்குரிய ஒற்றன்

 

(அய்யகோ, இனி என்ன நிகழ போகிறதோ?)

May 5, 2015 at 1:35 pm 2 comments

குதிரை வீரன் குணா அத்தியாயம் 2. துரத்தல்

     பொதுவாக இளவரசிகளை பற்றிய புரிதல் அனைத்திலும் எதிர்மாறாக இருப்பவள் சேவகபுரி இளவரசி பூங்காவனம். அவளின் புட்டத்தில் மக்கள் முன்னிலையில் பளீரென்று ஒரு சாமானியன் தட்டினான் என்றால் நாட்டிலுள்ள சொற்ப புரட்சிகாரர்கள் கிளர்தெழுந்து விடமாட்டார்களா?

      தன் அறையில் உள்ள திரைச்சீலையில் அழுக்குக் கையை வைத்த பணியாளன் ஒருவனின் கையை பாம்புப் புற்றில் வைக்க ஆணையிட்ட இளவரசியிடம் இதற்காக மனமுருக மன்னிப்பு கேட்டால் அவள் மன்னிக்கப் போவதில்லை. எப்படியும் மரணம்தான். தப்பியோடினால் சற்று தள்ளி போடலாம் என்ற எண்ணம் உதித்தெழ, குணா பக்கத்தில் உள்ள குதிரையில் ஏறி மின்னல் வேகத்தில் சந்தையை விட்டு விரைந்தான்.

     அவனுக்கு அது மின்னல் வேகமாக பட்டாலும், அது ஒரு மட்டஜாதி குதிரை. நிதானமான வேகத்தில்தான் சந்தையை விட்டு வெளியேறியது.

     இளவரசி பூங்காவனம் எவ்வித உணர்ச்சியையும் வெளிக்காட்டாமல் தன் பல்லக்கில் ஏறி அரண்மனைக்கு திரும்பினாள். காவல் தலைவன் காரி உள்ளூர நடுங்கிக் கொண்டிருந்தான். இவ்வாறான நிகழ்வினை அவன் எதிர்பார்க்கவே இல்லை. அந்த புரட்சிக்காரன் சந்தையை விட்டு வெளியேறிய பிறகுதான், அந்த நிகழ்வின் அதிர்ச்சி அவனை தாக்கியது.

     தன் மாளிகை வளாகத்தில் நின்ற பல்லக்கில் இருந்து இறங்கிய இளவரசி, காரியை அழைத்தாள்.

காரி, நாளை நான் நகர் கூடலுக்கு செல்லும் போது அந்த வீணனின் கொட்டைகளை என் ரதம் இடறி விட்டு செல்ல வேண்டும். அது நடக்கவில்லையென்றால், உங்கள் அனைவரின் சுன்னிகளையும் அறுத்து காக்கைகளுக்கு வீசி விடுவேன்.

(தொடரதான் வேண்டுமா?)

May 5, 2015 at 1:16 pm 2 comments

Older Posts


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 6 years ago
  • If my office is attacked by ninjas right now, I might get a day's off. 6 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 7 years ago
  • Just saw KV Anand's Maatyran trailer. Something struck on me! 7 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 8 years ago
May 2015
M T W T F S S
 123
45678910
11121314151617
18192021222324
25262728293031