The Princess Bride (1987) – a Laugh Riot

November 20, 2009 at 10:58 pm 5 comments

              கற்பனை உலகில் (Fantasy) நடைபெறுவதாக காண்பிக்கப்படும் திரைப்படங்களில் முக்கியமான அம்சங்கள் என்னவென்றால் மிகுந்த பொருட்செலவுடன் கூடிய கிராபிக்ஸ் வித்தைகள், பிரமாண்டமான செட்களில் படமாக்கப்படுகின்ற சண்டைக்காட்சிகள், பிரமிக்க வைக்கும் ஒளிப்பதிவு.  தற்போது ஒலி, ஒளித் தரத்தில் மிகுந்த முன்னேற்றம் அடைந்திருப்பதால் 1980-1990-ம் ஆண்டுகளில் வெளிவந்திருக்கும் கற்பனை உலகு (Fantasy) படங்களை பார்க்கும்போது  ஒருவித சலிப்பு அடைந்திருக்கிறேன்.
  
             எங்கள் தெருவில் வசிக்கும் பெரிசுகள் பென்ஹர் புராணத்தையே பாடிக் கொண்டிருப்பார்கள்.  ‘ஒட்டுவான் பாரு தேரை’, ‘ச்சும்மா கிண்ணுன்னு இருப்பான் கதாநாயகன் அப்ப நானும் அப்படிதான் இருந்தேன் (சைடுல இப்படியொரு பிட்டை போடுவார்கள்).    பென்ஹர் எனக்கு மிகுந்த ஏமாற்றமளித்த திரைப்படம்.  அத்திரைப்படத்தில் ஆண், பெண் என எல்லோரும் அரைப்பாவாடை கட்டிக் கொண்டு படம் முழுக்க அலைந்தார்கள்.  உச்சக்கட்ட காட்சியான தேர்ப் பந்தயமும் அவ்வளவாக கவரவில்லை.

The Princess Bride 1987 இலுமினாட்டி ஸ்டைலில் போஸ்டர்

         நிறைய க்ளாஸிக் படங்களை இதன் பொருட்டே தவிர்த்திருக்கிறேன்.  கற்பனை உலகு (Fantasy)  வரிசையில் முதல் பத்து இடங்களில் இருக்கும் படங்கள் என்னவென்று ஒரு முறை பார்க்கும்போது The Princess Bride என்ற திரைப்படமும் பட்டியலில் இருந்தது.  படம் வெளியான ஆண்டு 1987.
   
       அந்த பட்டியலில் உள்ள மற்ற படங்களை பார்த்திருந்தேன்.  இத்திரைப்படத்தையும் முதல் பத்து நிமிடங்கள் பார்ப்போம் என முடிவு செய்து பார்க்க துவங்கினேன்.  திரைப்படம் முடிந்த பிறகுதான் நேரம் உறைத்தது.

கதாநாயகி எப்படி இருப்பாருன்னு தெரியுனுமில்ல ஹி..ஹி எனக்கு பிடித்த நடிகர்களில் ஒருவரான ஷான் பென்-ன் மனைவி

       ஒரு கற்பனை நாடு.  அங்கே வசிக்கும் ஒரு பண்ணை வேலையாளுக்கும், ஒரு அழகிய பெண்ணுக்கும் காதல். பொருள் தேடி காதலன் வெளியூர் செல்ல, அவளோ சந்தர்ப்பவசத்தால் அந்நாட்டின் இளவரசனால் பட்டத்து இராணியாக்கப்படுகிறாள்.  பிரச்சினைகள்.  காதலர்கள் ஒன்று சேர்ந்தார்களா? அவ்வளவுதான் கதை.

இனிகோ மண்டோயா - உங்க கையில ஆறு விரல் இருக்கா?

         பிரமிக்கதக்க வைக்கும் காட்சிகள் என எதுவுமே இல்லை.  பிரமாண்டமான செட்கள் கிடையாது.  ஒளிப்பதிவு சாதாரண ரகம்தான்.  கதாநாயகியின் முதல்படம்.   வேறு எது இப்படத்தை முதலிடத்தில் வைத்து மற்றத் திரைப்படங்களிலிருந்து வேறுபடுத்திக் காட்டுகிறது என்றால் வசனங்கள். Not Swashbuckling Action, but Swashbuckling Dialogues.  பின்னியெடுத்திருக்கிறார்கள்.  படத்தில் வெகு சில வசனங்களே சாதாரணமாக இருக்கின்றன.  மற்றவை எல்லாவற்றையுமே Quotation வகையறாக்களில் சேர்த்துவிடலாம்.

கதாநாயகனும் துண்டு மீசையும்

         படத்தின் வசனங்களை கதாநாயகன் மற்றும் இதர கதாபாத்திரங்கள் சொல்லும் விதம் இன்னும் பத்து வருடங்கள் கழித்து பார்த்தாலும் கொஞ்சங்கூட சலிப்பில்லாமல் பார்க்க முடியும்.  கதாநாயகனின் துண்டு மீசை அவ்வளவு அழகு.
 
       
     நான் இரசித்த சில வசனங்களை தமிழ்படுத்தி கொடுக்க முயற்சிக்கிறேன்.  ஆனால் அவைகளை திரைப்படத்தில் ஆங்கிலத்தில் பார்த்தால்தான் அதன் முழு அர்த்ததையும் அனுபவிக்க முடியும்.
 
  
       தன் தந்தையை கொன்ற ஒரு கயவனை தேடும் ஒரு குடிகார வாள்வீரன் சொல்வது
  
‘எங்கப்பனை கொன்னவனை பார்த்தால் அவன் கையில நான் மூனே மூணு வார்த்தைதான் சொல்வேன்.  என்பேரு இனிகோ மண்டோயா.  எங்கப்பனை நீ கொன்னுட்ட.  சாவுடா.’
 
     கதாநாயகனிட்ம் சின்ன வில்லன் சொல்வது
   
‘உங்கிட்ட என்னால சண்டைப் போட்டு ஜெயிக்க முடியாது.  ஆனா புத்திசாலித்தனத்தில் என்ன யாரும் அடிச்சிக்க முடியாது.
‘அவ்வளவு புத்திசாலியா நீ?’
‘பிளாட்டோ,அரிஸ்டாட்டில், சாக்ரடீஸ் இவர்களை உனக்கு தெரியுமா?
‘தெரியும்.’
‘முட்டாப்பசங்க.’
 
     கதாநாயகனை சித்ரவதை செய்ய கிளம்பும் தளபதி இளவரசனை பார்த்து கேட்கிறார்
   
 ‘நான் அவனை சித்ரவதை செய்றதை பார்க்க வறீங்களா?
‘வர ஆசைதான்.  ஆனா பாரு, நாளைக்கு முக்கியமான நாள். நான் கல்யாணம் பண்ணி, என் பொஞ்சாதிய கொன்னு, அந்த பழிய அடுத்த நாட்டு மேல போடணும்.  நான் வரலை.’
       
           கதாநாயகன் இறந்து விட்டான் என எண்ணி கதாநாயகி தற்கொலை செய்வதற்காக குறுவாளை தன் மார்பில் பாய்சச முற்படும்போது  கட்டிலில் சோர்வாக படுத்திருக்கும் கதாநாயகன் சொல்லும் வசனம் தான் என்னுடைய பேவரைட்.
   
‘அழகிய மார்புகள் அரிதாக உள்ள இவ்வுலகில் ஏன் அவைகளை சிதைக்க முற்படுகிறாய், என் அன்பே.’
   
இத்திரைப்படம் 1987-ல் வந்தது என்பதற்காக யாரும் பார்க்காமல் இருந்து விடாதீர்கள்.  தவறவிடாக்கூடாத திரைப்படம்.
Advertisements

Entry filed under: திரை விமர்சனம்.

The Hobbit – மாய காவியம் வேட்டைக்காரன் – திரை விமர்சனம்

5 Comments Add your own

  • 1. Rafiq Raja  |  November 21, 2009 at 1:07 am

    ஒரு வழியாக உங்கள் தளத்தை புதுபித்து விட்டீர்களா….வெல்கம் பேக்.

    அந்த பிரின்ஸஸ் பிரைட் என்ற சம்பந்தமில்லாத எழுத்தை கூட ஆம்பிகிராம் முறையில் அமைத்திருக்கும் டைட்டிலிலேயே படம் 20 வருடம் கழித்து கூட அதன் அமைப்பாளர்களிடம் எவ்வளவு தாக்கத்தை அழித்திருக்கிறது என்று புரிகிறது.

    வாய்ப்பு கிடைப்பின் படம் பார்த்து விட்டு கருத்து பதிகிறேன், வேட்டையரே. உங்கள் பதிவே பாதி படத்தை பார்த்து விட்ட திருப்தியை ஏற்படுத்தி விட்டது. 🙂

    தமிழாக்கம் அருமை, அதிலும் அந்த அழகிய மார்புகள் வரிசை, ஏ1 ரகம். இரண்டு அர்த்தத்திலும் தான் 🙂

  • 2. shankar visvalingam  |  November 21, 2009 at 2:32 am

    நண்பரே,

    படத்தை நானும் பார்க்க வேண்டும். நன்றாக அனுபவித்துப் பார்த்திருக்கிறீர்கள். அதற்கு காரணம் வசனங்கள் மட்டும் இல்லை என்பதை யாம் அறிவோம்.

    வசன மொழியாக்கங்கள் அருமை. கதாநாயகியும்தான்.

    பென்ஹர் வகையில் எங்கள் ஏரியா பெருசுகள் அளப்பது டென் காமாண்ட்மென்ட்ஸ் படத்தை. அதிலும் ஜூல் பிரைனர் எனும் நடிகரின் நடை அழகை பெருசுகள் வர்ணிக்கும் அழகே தனிதான். டென் காமாண்ட்மெண்ட்ஸ் ஸ்பெஷல் எஃபெக்ட்ஸ்கள் பற்றி நான் கூறவும் வேண்டுமா.

    தொடர்கதை ஒன்று போடுங்களேன் தலைப்பை வேண்டுமானால் மத்திய தரைக்கடல் மர்மம் என்று வைத்துக் கொள்ளுங்கள் :=) என் மீசை எப்படி !!

    அருமையான அறிமுகம் அன்பு நண்பரே.

  • 3. Karthikeyan G  |  November 23, 2009 at 8:49 am

    படம் நல்லா இருக்கும் போல..
    TORRENT LINK PLS..

    //தொடர்கதை ஒன்று போடுங்களேன் //

    அமாம்.. அமாம்..

  • 4. sharehunter  |  November 23, 2009 at 9:52 pm

    ஜிகே அண்ணாச்சி,

    நான் எழுதின முதல் தொடர்கதை(?)க்கு நீங்க போட்ட கமெண்ட் ஞாபகம் இருக்குதாண்ணா? அக்கதையை தொடரத்தான் வேண்டுமா என சிந்திக்க வைத்த கருத்தினைக் கொண்டிருந்தது. இப்போ இன்னொரு கதையா? ஐய்யோ

  • 5. Karthikeyan G  |  November 24, 2009 at 8:53 pm

    சார், என்னவென்று நியாபகம் வரவில்லை. என்னவாயிருந்தாலும் “அறியா புள்ள தெரியாம பண்ணிருச்சு” என “ஜிகே அண்ணாச்சியை” மன்னித்துவிடவும்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 2 years ago
  • If my office is attacked by ninjas right now, I might get a day's off. 3 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 4 years ago
  • Just saw KV Anand's Maatyran trailer. Something struck on me! 4 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 4 years ago
November 2009
M T W T F S S
« Sep   Dec »
 1
2345678
9101112131415
16171819202122
23242526272829
30  

%d bloggers like this: