Archive for October 18, 2008

இனி என்ன செய்யலாம் III

       இந்த சந்தை கரடிகளின் பிடிகளில் மாட்டிக் கொண்டிருக்கிற போது மற்றவர்கள் என்ன செய்வார்கள்? 

       குழும   பிரமோட்டார்கள் வெளியீட்டு விலைக்கு கீழே குழும பங்குகள் விற்பனையாவதால், தங்களுடைய முதலீட்டு சதவீதத்தினை அதிகரித்துக் கொள்வார்கள்.

      சிறிய குழுமங்களை பெரிய குழுமங்கள் கபளீகரம் செய்ய ஆரம்பிக்கும்.  தங்களுடைய வணிக எல்லையை ஒவ்வொரு பெரிய குழுமமும் விஸ்தரிக்க முயலும்.

      வங்கிகள் மக்களிடையே உள்ள அதிகப்படி பணத்தை எவ்வாறு வைப்பு நிதிகளாக மாற்றலாம் என திட்டங்கள் தீட்டிக் கொண்டிருக்கும்.

      ரியல் எஸ்டேட் வணிகம் சுணக்கமுறும் என்பதால், பெரிய ரியல் எஸ்டேட் குழுமங்கள் சிறிய நகரங்களில் உள்ள ரியல் எஸ்டேட் நிறுவனங்களை அலேக்காக முழுங்க திட்டங்கள் போட்டுக் கொண்டிருக்கும்.

      திரையுலகம் மக்களின் சோக நிலையையுணர்ந்து மகிழ்ச்சியாக முடியும் (Happy Ending) திரைப்படங்களை தயாரிக்க தொடங்கும்.

     வணிக செய்தித்தாட்கள் முதலீட்டாளர்களை நடுங்க வைக்கும் செய்திகளை தயாரித்து அவர்களை எவ்வாறு பீதிக்குள்ளாக்கலாம் என திட்டமிடும் அதே சமயத்தில், வணிக பரிந்துரைகள் என்ற நகைச்சுவைப் பகுதியையும் தொடர்ந்து வெளியிடுவார்கள்.

     வங்கி மேலாளர்கள்  வாடிக்கையாளர்கள் தங்களுக்கு எவ்வளவு முக்கியம் என்றும், அதே சமயத்தில் அவர்களின் பங்குகளை வைத்துக் கொண்டு அவர்களுக்கு கடன் ஏன் தர இயலாது என்பதற்கான காரணங்களை யோசித்துக் கொண்டிருப்பார்கள்.

      உங்கள் மனைவி இனி உங்களை புதிய வாக்ஷிங் மெக்ஷினாக பயன்படுத்தலாமா என யோசித்துக் கொண்டிருப்பார்.

     உங்கள் குழந்தைகள் புதிய நோட்டு புத்தகங்களுக்கு உங்களை அட்டை போட சொல்லலாமா என உங்களை எப்போது கேட்கலாம் என பார்த்துக் கொண்டிருப்பார்கள்.

    உங்கள் வீட்டிற்கு செய்தித்தாள் போடுகிற பையன் இவ்வளவு சீக்கிரம் பேப்பர் படிச்சு என்ன கிழிக்கப் போறே என உங்களிடம் எப்போது கேட்கலாம் என ஆசைப்பட்டு கொண்டிருப்பார்.

    இனி என்ன செய்யலாம் பகுதியை இத்தோடு முடித்து விடலாம் என போன பதிவில் எழுதிய பிறகும், இது பற்றி நிறைய யோசனைகள் வருவதால், இதனை தொடரலாம் என முடிவு செய்து, ஒரு மொக்கை பதிவினை போட்டு, நாளைக்கு வாய்தா வாங்கிக்கலாமா என்று மண்டையை உடைத்துக் கொண்டிருக்கிற நான்.

     ஸ்வாமி நிப்டியானந்தா …..ச்சீச்சி வேண்டாம்.

      ஆக உங்களை தவிர மற்றவர்களெல்லாம் தீவிரமாக அடுத்தக்கட்ட நடவடிக்கைகளை பற்றி சிந்தித்துக் கொண்டிருக்கையில், நீங்கள் மட்டும் ஏன் பங்கு சந்தை சரிவுகளை பற்றி வீணாக கவலைப் பட்டு கொண்டிருக்க வேண்டும்?  நம்முடைய கவலையால் தீர்ந்து விடக் கூடிய பிரச்சினையா அது?  வாங்க, அடுத்தக்கட்ட நடவடிக்கைகளை பற்றி யோசிக்கலாம்.

       இப்போது முதலீட்டாளர்களை மூன்று வகையாக பிரிக்கலாம்.  அந்த மூவருமே வரும் சந்தையில் என்ன செய்யலாம் என்பதற்கும் சில அடிப்படை திட்டங்களை பற்றி அடுத்தடுத்த பதிவில் பேசலாம்.  (அப்ப, இதயும் தொடர்ந்து நாங்க படிச்சு தான் ஆகணுமா என்று நீங்கள் கதறுவதால் எவ்வித பிரயோசனமில்லை, மனச தேத்திக்கிட்டு தொடர்ந்து படிங்க)

1.  தன் சேமிப்பு மற்றும் கடன் அனைத்தையும் பங்கு சந்தையில் முதலீடு செய்து கையில் கடனுடன் இருக்கும் முதலீட்டாளர்.

2.  நண்பர் கூறினாரே என்பதற்காக பங்கு சந்தையில் சமீபத்தில் காலடி எடுத்து வைத்து சிறிய இலாபங்கள் பெற்று, தற்போது சந்தையின் போக்கை பார்த்து திகிலடைந்து போயிருக்கும் முதலீட்டாளர்.  இன்னும் கொஞ்சம் பணம் கையில் வைத்திருப்பார்.

3.  நல்லவேளை, நாம் இறங்கவேயில்லை தப்பிச்சுட்டோம்டா சாமி என முழு பணத்தையும் கையில் வைத்துக் கொண்டு நிப்டி 500 வந்தால் கொஞ்சம் வாங்கலாம் என்று நினைத்துக் கொண்டிருப்பவர்.

      இவ்வளவுதானா, இன்னும் வேறு வகை இருக்கிறார்களா?  இவர்கள் அனைவரும் செய்ய வேண்டிய அடுத்த கட்ட நடவடிக்கைகள் பற்றி வரும் பதிவுகளில் பேசலாம்.

October 18, 2008 at 2:28 pm 3 comments

Spirited Away – திரை விமர்சனம்

     அன்று ஒரு மந்தமான மழைநாள்.  இரவில் பார்க்க ஏதேனும் நல்ல ஆங்கில படங்கள் கிடைக்குமா என தேடிக் கொண்டிருந்தேன்.  கடை முதலாளி இரண்டு புதிய படங்கள் அவரிடம் கிடைத்திருக்கின்றன  காண்பித்தார்.  ஒன்று உறாலிவுட் காமெடி, மற்றொன்று Spirited Away என்கிற ஜப்பானிய மங்கா லேபிளுடன் உள்ள கார்ட்டூன்.  ஜப்பானிய மங்கா கார்ட்டூன்கள் என்னுடைய கஸினுக்கு (வயது எட்டு) பிடிக்கும் என்பதால்,  எனக்கு காமெடியும், அவனுக்கு கார்ட்டூனையும் வாங்கிக் கொண்டு வீட்டுக்கு வந்தேன்.

    ஜப்பானிய மங்கா படங்களை எவ்வாறு தான் பார்க்கின்றார்களோ என்பதில் மிகுந்த ஆச்சரியம்.  எனக்கு சுத்தமாக பிடிக்காது.  சரி, ஒவ்வொருவருக்கும் வேறுவிதமான டேஸ்ட் என மனதில் நினைத்துக் கொள்வேன்.  வீட்டிற்கு வந்து போட்டுபார்த்தால், உறாலிவுட் படம் ஆரம்பத்திலேயே சரியாக தெரியவில்லை.  மணியோ இரவு பத்து.  விளங்கினா மாதிரிதான் என நினைத்துக் கொண்டு, சரி, மாங்கா கார்ட்டூனாவது ஒழுங்காக தெரிகின்றதா என போட்டு பார்த்தேன்.  நன்றாகவே தெரிந்தது.  போரடிகிறதே ஒரு சில நிமிடங்கள் பார்க்கலாம் என உட்கார்ந்தேன்.

       வெகு சில திரைப்படங்கள் மட்டுமே என்னை படம் முடிந்த பிறகு ஒருவித திகைப்பில் ஆழ்த்தியிருக்கின்றன.  தமிழில் என்று சொன்னால், அன்பே சிவம்.  படத்தை என்னுடன் திரையரங்கில் பார்த்த அனைவரும் matured audience.  படம் முடிய ஆரம்பிக்கும்போதே சைக்கிள் டோக்கன்களை எடுத்துக் கொண்டு மீதி திரைப்படத்தை மறைத்துக் கொண்டு, எழுந்து செல்லாமல் கடைசி வரை உட்கார்ந்து பார்த்தார்கள்.  கமல் மழையில் நடந்து செல்லும் வரை ஒரு வித பிரமையில் உட்கார்ந்து பார்த்துக் கொண்டேயிருந்தேன்.  அதற்கப்புறம் இந்த படம் தான்.  ஜப்பானிய மங்கா கார்ட்டூன் என நினைத்தது எவ்வளவு தவறு என தோன்றியது.  என் மனதில் எழுப்பி வைத்திருந்த சில பிம்பங்கள் இடிந்து விழுந்தன.  உறாலிவுட் கார்ட்டூன் படங்களே நன்றாக இருக்கும், அவர்களை தவிர வேறு யாரும் இவ்வளவு இரசனையாக எடுக்க முடியாது.  ஜப்பானிய கார்ட்டூன்கள் என்றாலே மங்கா டைப் கார்ட்டூன்கள் தான்.

   

Spirited Away - மங்கா டைப்பில் இருக்கும் போஸ்டர்

Spirited Away - மங்கா டைப்பில் இருக்கும் போஸ்டர்

    ஆனால் அதன் போஸ்டரை பார்த்தால் மங்கா டைப் கார்ட்டூன் போலதானே இருக்கிறது.  கதையை சொல்வதற்கு முன் முதலில் சில வார்த்தைகள் சொல்லி விடுகிறேன்.  டிஸ்னி கார்ட்டூன்கள் மட்டுமே சிறந்தது என மனதில் நினைத்துக் கொண்டிருபவர்கள் எண்ணத்தை உடன் மாற்றக்கூடிய வல்லமை படைத்தது இந்த திரைப்படம்.   ஒவ்வொரு கார்ட்டூன் பிரியர்கள் வீட்டிலும் இருக்க வேண்டிய கலெக்ட்ர்ஸ் வரிசையில் கண்டிப்பாக இப்படத்திற்கு இடம் கொடுங்கள்.

      கதைக்கு வருவோம்.  சிசிரோ என்றழைக்கப்படும் சிறிய பெண்ணே கதை நாயகி.  அவளின் பெற்றோர் வேலை மாற்றலின் காரணமாக வேறு ஒரு ஊருக்கு குடி பெயர்கின்றார்கள்.  புதிய பள்ளிக்கூடத்திற்கு செல்வதற்கு அவளுக்கு மிகவும் எரிச்சலாக இருக்கிறது.  போகும்வழியில் வழி தவறி, ஒரு பழைய இடிந்த கட்டிடங்கள் இருக்கும் ஒரு பகுதிக்கு சென்று விடுகின்றார்கள்.  பகல் பொழுது முடிந்து இரவு மெல்ல ஆரம்பிக்கும் நேரம். அங்குள்ள உணவு விடுதியில் யாரும் இல்லாத நிலையில், பசிக்கிறது என சில உணவு பண்டங்களை சாப்பிடுகின்றார்கள்.  சிசிரோவுக்கு பசியில்லை. 

    தீடிரென்று அவர்கள் பன்றிகளாக ஆகிவிடுகிறார்கள்.  இரவு கவிழும்போது, ஒரு மர்மமான சிறுவன் அவளிடம் சீக்கிரம் இந்த இடத்தை விட்டு போய்விடு என எச்சரிக்கிறான்.  அவள் தப்பி ஒடும்போது, அவர்கள் கடந்து வந்த வற்றிய ஆற்றில் நீர்ப்பெருக்கு ஏற்பட்டு அவளால் தப்பிக்க முடியாத நிலை ஏற்பட்டு விடுகிறது.  இரவில் அந்த பகுதி ஆவிகளுக்கு ஒரு கிளப் மாதிரி (படத்தை பொறுத்தவரை பாத் உறவுஸ் என்ற சொல் வருகிறது.  பாத் உறவுஸ் என்பது  நம்மில் பலருக்கு பழக்கமில்லா சொல்லாக இருப்பதால் கிளப் என்ற அர்த்ததில் எழுதுகிறேன்). அங்கியிருந்து அவள் அந்த மர்ம சிறுவனின் உதவியுடன் எவ்வாறு தன் பெற்றோருடன் தப்பிக்கின்றாள் என்பது படத்தின் மீதிக் கதை.

     பொதுவாக கார்ட்டூன் படங்களில் சில இடங்களில் பிரமிக்க வைக்கும் காட்சிகள் (உதாரணத்திற்கு ஒரு landscape காட்டும்போது பிரமிக்க தக்க கோணத்தில் காட்டுவது) சில இடங்களில் வரும்.  இந்த படத்திலோ     பிரமிக்க வைக்கும் காட்சிகள் படம் முழுவதுமே வருகின்றன.  உதாரணத்திற்கு, ஆவிகளை ஏற்றுக் கொண்டு வரும் படகு, பாத் உறவுஸ், முகமற்ற ஆவி, டிராகன் பறப்பது.  எனக்கு பிடித்தமான காட்சி என்றால் கடலின் நடுவே உள்ள தண்டவாளத்தில் இரயில் செல்வதும், சிசிரோ அந்த இரயிலில் ஏறி இன்னொரு சூனியக்காரியின் வீட்டிற்கு செல்வது வரையிலான காட்சி.  கார்ட்டூன் படங்களில் இக்காட்சியை நான் ஒரு Masterpiece என்றே சொல்வேன்.

      பிறகுதான் தெரிந்தது படத்தின் இயக்குநர் Hayao Miyazaki ஆஸ்கார் விருது வாங்கியவர் என்றும், இவரின் மற்ற படங்களும் ஜப்பானில் சூப்பர் உறிட் ஆனவை என்றும்.  இவரின் எல்லா படங்களுமே நன்றாக இருக்கும்.  இவரின் மற்ற கார்ட்டூன் கிளாஸிக் படங்களையும் பார்த்திருக்கிறேன்.  அதை பற்றிய விமர்சனத்தை பிறகு எழுதுகிறேன்.

      படத்தின் ஆரம்பத்தில் சிசிரோ புதிய பள்ளிக்கூடத்தில் நான் எவ்வாறு படிக்க போகிறேன் என  புலம்பிக் கொண்டே வருவாள்.  படம் முடிகையில் எவ்வளவோ பண்ணிட்டோம் இதை பண்ண மாட்டோமா என்ற ரீதியில் பேசுவாள்.  அட்டகாசமான படம். படத்தின் போஸ்டரை பார்த்து ஏமாந்து விடாமல், படத்தை பாருங்கள்.  ஐந்து வயதிற்கு மேற்பட்ட குழந்தைகளுடன் பார்க்கலாம்.  ஆனால் இப்போதைய குழந்தைகள் நான்கு வயதிலேயே குசேலன், சக்கரக்கட்டி என பார்த்து  மிக வலுவான மனத்திடம் பெற்றுவிடுவிதால், அவர்களும் பார்க்கலாம்.

October 18, 2008 at 8:32 am 5 comments


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 6 years ago
  • If my office is attacked by ninjas right now, I might get a day's off. 6 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 7 years ago
  • Just saw KV Anand's Maatyran trailer. Something struck on me! 7 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 8 years ago
October 2008
M T W T F S S
 12345
6789101112
13141516171819
20212223242526
2728293031