Kung Fu Panda – விமர்சனம்

October 9, 2008 at 1:00 pm 3 comments

     உலக பொருளாதார நிலை நாளுக்கு நாள் சரிவடைந்து வருவதால், நிலைமை சரியாகும் வரைக்கும் பொழுது போக்கு அம்சங்கள், பயணக் கட்டுரைகள், திரை விமர்சனம் என எழுதலாம் என்றிருக்கிறேன். தயவு செய்து உனக்கு தெரிந்ததை மட்டும் எழுது, வேறு எதுவும் எழுதாதே என பின்னுாட்டத்தில் நீங்கள் கதறினாலும் நான் கேட்க போவதில்லை. மனதை கல்லாக்கிக் கொண்டு நீங்கள் எனக்கு தொடர்ந்து ஆதரவு கொடுக்குமாறு கேட்டுக் கொள்கிறேன்.

     எனக்கு தெரிந்தவர்களுக்கு நல்ல படங்கள் என சில கார்ட்டுன் படங்களை பரிந்துரை செய்யும்போது, “அய்யே, பொம்மை படமா?” என்று கேட்பவர்களிடம் மேற்கொண்டு என்னால் பேச முடிவதில்லை.

     அந்த “பொம்மை படங்களுக்கு” எவ்வளவு உழைப்பு தேவைப்படுகின்றது என்பது எத்தனை பேருக்கு தெரியும்?  மற்றொரு ஆச்சரியமுட்டும் செய்தி : 100 Hollywood படங்கள் வெளிவருகின்றதென்றால் அவற்றில் குறைந்தபட்சம் 50 குப்பையாக இருக்கும், அதிலும் 25 உட்கார்ந்து பார்க்க சகிக்க முடியாததாக இருக்கும்.  இந்த கணக்கு “பொம்மை படங்களுக்கு” பொருந்துவதில்லை என தெரியுமா?  ஏறக்குறைய வெளிவரும் அனைத்து படங்களுமே நன்றாக இருக்கும். அரிதாக சில விதி விலக்குகள் உண்டு.  இந்த கார்ட்டுன் படங்கள் என நான் குறிப்பிடுவதில் ஜப்பானிய மங்கா (Manga) தொடர்கள் கணக்கில் வராது.

     Hollywood பிரபலங்கள் (Angelina Jolie, Jack Black etc)  அனைவருமே கார்ட்டுன் கதாபாத்திரங்களுக்காக குரல் கொடுக்க தயங்க மாட்டார்கள். இங்கே நாசர், ராஜீவ் போன்றோர் மட்டுமே அவ்வாறு இருக்கிறார்கள். டிஸ்னி (Disney), பிக்ஸர் (Pixar) (பிக்ஸர் நிறுவன வரலாறை பற்றி ஆங்கிலத்தில் ஒரு புத்தகம் இருக்கிறது, இப்போதுதான் படிக்க ஆரம்பித்து இருக்கிறேன். அருமையாக இருக்கிறது. படித்தவுடன் அதை பற்றி பதிவிடாமல் விடப்போவதில்லை), டிரிம்வொர்க்ஸ் (Dreakworks) (ஸ்பீல்பெர்க் கம்பெனி, தற்சமயம் அனில் அம்பானியுடன் புதிய திரைப்படங்கள் தயாரிக்க ஒப்பந்தமிட்டுருக்கிறது) போன்ற ஸ்டுடியோக்களிலிருந்து வெளிவரும் கார்ட்டுன் படங்கள் அற்புதமாக இருக்கும்.

    டிரிம்வொர்க்ஸ் ஸ்டுடியோவிலிருந்து 2008-ல் வெளிவந்த படம்தான் “குங்பூ பாண்டா”. அமைதி பள்ளத்தாக்கு (Valley of Peace)  என்ற கிராமத்தில் தனது தந்தையுடன் நுாடுல்ஸ் கடையில் வேலை செய்து கொண்டிருக்கும் கொழுகொழு பாண்டா போ-விற்கு மிகப் பெரிய குங்பூ மாஸ்டர் ஆகவேண்டுமென்ற கனவு.  டை லங் என்ற ஒரு மோசமான குங்பூ மாணவனால் வரவிருக்கும் ஆபத்திலிருந்து காப்பதற்காக பிரபல குங்பூ பள்ளி ஆசான்கள் அந்த வருடம் அந்த பள்ளத்தாக்கின் குங்பூ சாம்பியனை தேர்ந்தெடுக்கும் போட்டி நடத்துகின்றார்கள்.
 

    அங்கே நுாடுல்ஸ் விற்க போகின்ற போ-வே சாம்பியன் என தேர்ந்தெடுக்கப்படுகிறார். அவருக்கு குங்பூ கலையை கற்றுக் கொடுக்க அந்த மடாலாய சின்ன மாஸ்டரும் அவரின் சீடர்கள் (பாம்பு, குரங்கு,புலி, மேன்டிஸ்) போன்றவர்கள் படும் பாடு உங்களை கண்டிப்பாக விலாநோக சிரிக்க வைக்கும்.  போ-வும் டை லங் என்கிற பனிச் சிறுத்தையும் மோதும் கடைசி யுத்தமும் பிரமிக்க தக்க வகையில் படமாக்க பட்டிருக்கும்.
     படத்தின் சிறப்பம்சம் உரையாடல் எனலாம். எல்லோருக்கும் பெரிய மாஸ்டரான ஒகுவே ( ஆமை) போ-விடம் ஒரு மரத்தின் கீழ் பேசும் உரையாடல் எனக்கு மிகவும் பிடித்த ஒன்று. 

Yesterday is history, tomorrow is a mystery, but today is a gift. That is why it is called the Present”  

       இந்த படங்கள் ஏன் தமிழ்நாடு முழுவதும் டப் செய்து திரையிட படவில்லை என தெரியவில்லை. அதற்கு முன் அலாதீன், லையன் கிங் போன்ற கார்ட்டுன் படங்களை தமிழில் டப் செய்து வெளியிட்டார்கள். அதற்கு சரியான வரவேற்பு கிடைத்தது என்றே நினைக்கிறேன். தயவு செய்து குழந்தைகள் மட்டுமே பார்க்கும் படம் என நினைத்து விடாதீர்கள். உங்கள் மனதை மிகவும் லேசாக ஆக்கும் மிகச் சிறந்த படங்களில் இதுவும் ஒன்று.

Advertisements

Entry filed under: திரை விமர்சனம்.

இனி என்ன செய்யலாம்? காமிக்ஸ் சூப்பர்ஸ்டார்கள் I தப்பி ஓடிய இளவரசி

3 Comments Add your own

  • 1. Dhamodharan  |  October 9, 2008 at 3:48 pm

    “There are no accidents” – That is my fav

  • 2. rajeepan  |  October 9, 2008 at 4:46 pm

    நீங்கள் கூறி இருப்பது முற்றிலும் உண்மை.. பொம்மை படங்கள் என சுலபாக மட்டந்தட்டுபவர்களை பார்க்கும் பொழுது அவர்களது அறிவின் எல்லை இவ்வளவு தான் என்றே நினைக்கத்தோன்றுகின்றது..ஆனாலும் ப்பானிய மங்கா (manga) தொடர்கள் ஒரு விதிவிலக்காக இருப்பதில்லை.அந்தத்தொடர்கள் எனது மனதையும் தொடவில்லை..

  • 3. Reader  |  October 9, 2008 at 4:56 pm

    Saw the movie in Bangalore. My first cartoon movie in a theater. Liked it very much.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

Error: Twitter did not respond. Please wait a few minutes and refresh this page.

October 2008
M T W T F S S
« Sep   Nov »
 12345
6789101112
13141516171819
20212223242526
2728293031  

%d bloggers like this: