காமிக்ஸ் சூப்பர்ஸ்டார்கள் I தப்பி ஓடிய இளவரசி

October 9, 2008 at 5:33 pm 12 comments

     சிறுவர் பத்திரிக்கைகளான பூந்தளிர், கோகுலம் போன்றவற்றை மட்டும் படித்துக் கொண்டிருந்த எனக்கு எதிர்பாராமல் ஒரு முழுநீள சித்திரக் கதை அறிமுகமானது. அந்த கதையை எப்படி விரும்பினேன் என்றால் என் வாழ்வின் கடைசி வரை நினைவிலிருக்கும் கதை அது. இதை படிக்கும் பலருக்கு இது பேத்தலாக தெரியும். சிலருக்கு இதன் உண்மையான அர்த்தம் புரியும். அந்த சித்திர கதைபுத்தகத்தின் பெயர் : தப்பி ஓடிய இளவரசி. வெளியிட்டது இராணி காமிக்ஸ்.

     அக்கதையினை படித்த பிறகு ரொம்ப நாள் அந்த சித்திரக் கதை புத்தகத்தோடேயே சுற்றிக் கொண்டிருந்தேன். எத்தனை தடவை வாசித்திருப்பேன் என்பதற்கு கணக்கே கிடையாது. இராணி காமிக்ஸ் வெளியிட்ட நான்காவதா அல்லது ஐந்தாவது இதழா என நினைவில்லை. முதல் கதை அழகியை தேடி என்ற ஜேம்ஸ் பாண்ட் கதை என்பது மட்டும் நினைவிருக்கிறது.

     இராணி காமிக்ஸ் பற்றி உங்களில் பலரும் கேள்விப்பட்டிருப்பீர்கள். ஒவ்வொரு பழைய புத்தக கடையிலும் கிடைக்கும். ஆனால் முதல் நுாறு புத்தகங்கள் எந்த பழைய புத்தக கடையிலும் கிடைக்காது. அவ்வாறு கிடைத்து வாங்கியவர்கள் அதனை மீண்டும் பழைய புத்தக கடையில் போடமாட்டார்கள்.  இந்த இதழ்கள் பழைய லெண்டிங் லைப்ரரிகளில் இரு இதழ்களாக பைண்டிங் செய்து காணப்படும்.  இது போன்ற பழைய காமிக்ஸ் புத்தகங்களை வேட்டையாடுவதற்கு என்றே ஒரு வேட்டைக்காரர்கள் கூட்டம் தமிழ்நாட்டில் உள்ளது.  ஒரு காலத்தில் நானும் அந்தக் குழுவில் இருந்தேன். கிட்டத்தட்ட தங்க புதையல் தேடும் ஒரு வேட்டைக் காரர்களை போல சுற்றிக் கொண்டிருந்தோம். ஏதேனும் ஒரு ஊரில் ஒரு லெண்டிங் லைப்ரரியில் புத்தகங்கள் விற்க போகிறார்கள் என்றால் முக்கில் வேர்த்து உடனே அந்த ஊருக்கு சென்று விடுவோம். சில சமயம் நாங்களாகவே இந்த லைப்ரரியை முட போகின்றீர்களா என கேட்டு வாங்கிக் கட்டிக் கொண்டதும் உண்டு.

      படிக்கின்ற வயதில் இது ஒரு வெட்டிப் பழக்கம் என்று உங்களில் பலருக்கு தோன்றலாம். இப்போது மீண்டும் யோசித்து பார்க்கின்ற போது எனக்கு காமிக்ஸ்கள் தேடி அலைந்த நாட்களை வீணாக கழித்த வெட்டி நாட்கள்  என்று தோன்றவே இல்லை. 
     இந்த பகுதியில் இராணி காமிக்ஸ் பற்றி எழுதலாம் என்றிருக்கின்றேன். தினத்தந்தி குழுமத்திலிருந்து வெளிவந்து கொண்டிருந்த ஒரு சித்திர பத்திரிக்கை அது.  இராணி காமிக்ஸை தமிழின் முன்னோடி காமிக்ஸ் என்று சொல்ல இயலாது.  அதற்கு முன் சிவகாசியிலிருந்து வேறொரு காமிக்ஸ் வந்து கொண்டிருந்தது ( இதனை படிக்கும் இரசிக பெருமக்களிடமிருந்து விசில் சத்தம் கேட்பதை உணருகின்றேன்). ஆனால் ஆரம்பித்த குறுகிய காலத்தில் தமிழ்நாட்டில் தன் முத்திரையை பதித்த தமிழ் காமிக்ஸீல் இராணி காமிக்ஸ்-ம் ஒன்று.

      ரு.1-50 என்ற சகாய விலையில் தன்னுடைய முதல் இதழை ஆரம்பித்தது. அப்போதைய சிறுவர் பத்திரிகைகளில் மிகக் குறைந்த விலையி்ல் கிடைத்தது இராணி மட்டுமே.   முதலில் ஜேம்ஸ் பாண்ட் கதைகளை போட்டு ஆரம்பிக்கப்பட்டது.  நான் வேட்டையர்கள் குழுவிலிருந்து தற்போது விலகிவிட்டேன் என்றாலும், இராணி காமிக்ஸ்-ன் முதல் ஐம்பது இதழ்கள் உங்களிடம் இருந்தால் அதனுடைய மதிப்பு நுாறு மடங்குக்கு அதிகமாகவே சந்தையில் போகும்.    அதனுடைய பளபளப்பான அட்டைப் படங்கள் ஒரு ப்ளஸ் பாயிண்ட். 

     தப்பி ஓடிய இளவரசி சித்திரக் கதையை படித்த யாருமே அதனை மறந்திருக்க முடியாது. பாரோக்கள் அரசாண்ட பழங்கால எகிப்தில் நடக்கும் ஒரு கதை. ஒரு இளவரசி அரண்மனை பிடிக்காமல் வெளியுலகை பார்க்க விரும்பிய கதை. அதனுடைய சித்திரத் தரம் அட்டகாசம். மிகத் தெளிவான சித்திரப் படங்களை அச்சில் கொண்டு வந்த காமிக்ஸ்.

    ஒவ்வொரு மாதமும் முதல் மற்றம் பதினைந்து தேதியில் கடைகளில் கிடைக்கும் வண்ணம் வெளிவந்து கொண்டிருந்தது. மிகச் சரியாக அந்த தேதிகளில் கடைகளில் கிடைக்கும். அப்போது அதனுடைய ஆசிரியர் யார் என நினைவில்லை.  இராணி காமிக்ஸ் ஆசிரியர் எதுவும் எழுதுவதில்லை.  பிறகு அதில் தொடர் கதைகளும் வெளிவர ஆரம்பித்தன. அவைகளும் நன்றாக இருக்கும். சென்ற இதழைப் பற்றி வாசகர் எழுதிய விமர்சனம் இரண்டாம் பக்கத்தில்     வெளியாகும். அதற்கு நல்ல சன்மானமும் கொடுத்ததாக நினைவு.

    இராணி காமிக்ஸீல் வெளிவந்த சில கதாநாயகர்களை பற்றி பார்க்கலாம்.

1. ஜேம்ஸ்பாண்ட் :


  இவரின் எல்லா கதைகளும் நன்றாக இருக்கும் என சொல்ல முடியாது.  சில கதைகள் டாப் கிளாஸ். உதாரணம் : இரகசிய மாநாடு 1 & 2, சுறா வேட்டை, மந்திரியை கடத்திய மாணவி போன்றவை

2. டைகர் :

     என்னுடைய ஆதர்ச நாயகன். புதிய கண்டுபிடிப்புகளுடன், Henry என்ற சயன்டிஸ்டுடன் புரியும் சாகசங்களே கதை. கதை முடிவில் அவர் சொல்லும் “டொட்டடாய்ங்” அப்போதும் எனக்கு மிகவும் பிடிக்கும்.  ஒரு சில கதைகளே வெளிவந்தன. பர்மாவில் பாட்சா எனது பேவரைட்.

3. இன்ஸ்பெக்டர் ஆசாத்:

    இந்திய கதாநாயகனை கொண்ட வெளிவந்தவை. அனைத்துமே நன்றாக இருக்கும்.

4. மன்னர் பீமா :

    சில கதைகளே வெளிவந்தவை. நரபலி என்ற கதையில் அறிமுகம். இந்திய கதை. அட்டகாசமாக இருக்கும்.

5. ஒற்றர் படை தலைவர் கார்சன்

     அமெரிக்க உள்நாட்டு போரில் நடத்திய சாகசங்களை உள்ளடக்கிய கதைத் தொடர். உயிர் காத்த வீரன் என்ற கதையின் அட்டைப் படம் இன்னும் நினைவில் இருக்கிறது.

6. மாயாவி (வேதாளர்)

     இவரின் கதைகள் முதல் நுாறு புத்தகங்களில் வெளிவரவில்லை. சில மட்டுமே நன்றாக இருக்கும்.  இராணி காமிக்ஸ்-ன் இறுதி நாட்களில் இவரின் கதைகளை போட்டே இரசிகர்களை சோதித்துக் கொண்டிருந்தார்கள். கடைசி புத்ததகங்களில் மொழிபெயர்ப்பும் மட்டமாக இருக்கும்.

7. கரும்புலி

     இராணி காமிக்ஸ் நின்று போவதற்கு காரணமாயிருந்த கதாநாயகன் இவரே. போர் என்ற வார்த்தையை தவிர வேறு வார்த்தையில் இவரைப் பற்றி விவரிக்க முடியாது.
     ரு.1.50 விலையில் வெளிவந்து முன்று ருபாயில் முடிந்த ஒரு காமிக்ஸ் புத்தகமே இராணி காமிக்ஸ்.  மீண்டும் புதுப்பொலிவுடன் தினத்தந்தி குழுமம் இராணி காமிக்ஸை களமிறக்கினால் கைதட்டி வரவேற்பு கொடுப்பதில் முதலில் நானே நிற்பேன்.
      மனம் கவர்ந்த வேறு சில காமிக்ஸ்கள் பற்றியும் இப்பகுதியில் பார்க்கலாம்.

Advertisements

Entry filed under: Hunter's Mind.

Kung Fu Panda – விமர்சனம் 10-10-2008

12 Comments Add your own

  • 1. செந்தழல் ரவி  |  October 10, 2008 at 7:23 am

    எங்களுடைய தமிழ் காமிக்ஸ் உலகம் பதிவில் இதனை வெளியிட்டுக்கொள்ளவா ?

    http://tamilcomic.blogspot.com

  • 2. பாலமுருகன்..  |  October 10, 2008 at 8:28 am

    அருமையா எழுதியிருக்கீங்க Hunter.. 🙂 நீண்ட நாட்களுக்குப் பின் அந்த ஞாபகங்கள் மீண்டும்.. நான் கூட ரொம்ப நாட்களுக்கு ராணி காமிக்ஸின் அதி தீவிர ரசிகனாக இருந்தவன்தான்.. 1995லிருந்து 99 வரையிலான 100 புத்தகங்களை பொக்கிஷமாக பாதுகாத்து வந்தேன்.. இந்த பத்து வருடங்களில், எல்லாம் எங்கெங்கோ போய் காணாமல் போய்விட்டது. நீ எழுதியிரக்கறத படிக்கும் போது.. சே.. miss பண்ணிட்டமேனு தோணுது.. எங்கள் கிராமத்தில் ராணி கிடைக்காது.. அதானல் ஒவ்வொரு இருவாரங்களுக்கு ஒரு முறை அப்பாவிடம் அடம்பிடித்து, வாங்கி படித்ததெல்லாம் சொர்கம்.. என்ன சொல்றீங்க..?
    ஒரு சின்ன கொசு வர்த்தி…
    கதையின் பெயர் ஞாபகம் இல்லை.. ஜேம்ஸ்பாண்ட் கதை. ஏதோ ஒரு ஜனவரி 1ம் தேதி வந்த edition. சைனால நடக்கறமாதிரி கதை இருக்கும். அவங்க மங்கோலியால இறங்கி அங்கிருந்து கிளைடர்லயே திபெத் போயி எதிரிகளை முறியடிச்சு, கிளைமாக்ஸில் கடைசியா பலூன் மூலமா இந்தியாவுக்கு தப்பி வருவதோட முடியும். செமயான ஆக்சன் கதை.. இன்னமும் பசுமையா நினைவில் நிக்குது அந்த கதை.. :))

  • 3. sharehunter  |  October 10, 2008 at 5:56 pm

    Ravi,

    yeah, with pleasure.

  • 4. ஆழிக்கரை  |  October 11, 2008 at 10:33 am

    அருமையாக உள்ளது . இப்பொழுது தமிழ் காமிக்சுக்கு லயன் & முத்து மட்டும்தான் பல சிக்கல்களுக்கு நடுவில் வந்துகொண்டிருக்கிறது

  • 5. King Viswa  |  October 15, 2008 at 9:57 pm

    Josh,

    Excellent Post on Rani Comics. Hats to to you. it shows that there is still light in the end of the tunnel as for as Tamil comics reading is concerned. Great Work. Kindly keep it up.

    I hope you don’t mind me adding certain points over here:

    (1) You are right. Jame Bond’s Azhagiyai Thedi was the 1st issue of Rani comics in 1st July 1984 and this particular story was the 4th issue released in 5th Aug 1984.

    (2) The editor of Rani Comics was Mr RamaJayam. He was in charge from 1st issue till issue no 92 and these were considered as the Golden Age of Rani comics by Comics Pundits. After issue No 92, Mr RamaJayam started his own comics called James Bond Comics and he was replaced by Mr A.M Sami and there started the Downfall of Rani Comics.

    They started to edit the story unnecessarily, changed the content, removed Art Panels to suit their version of the story and Recreated International Characters locally (Copy Right Violation), Killed Many Character’S Soul (Modesty Blaise) by changing the relationship (Garvin was Modesty’s Lover as for As Rani Comics is concerned) etc.

    (3) Even though, Rani Comics started as Rs 1.50 Price Tag, their final series were sold at Rs 5.00 with multi colour which was atrocious to say the least.

    பாலமுருகன்: Sir, i also used to be a Avid Rani Comics Fan till issue No 92. Still had the courage to buy those books till issue no 200. When the quality touched the nadir, i stopped buying them after issue no 200.

    Any way, As for as my memory goes, there were only 3 James Bond Comics which were on sale on 1st Jan. they are
    (1) Issue No 13 = Azhagiya Aabathu – Not your story.
    (2) Issue No 85 = Petrol Adhibar – Not your Story.
    (3) Issue No 469 = Adhir Vedi Azagi (Could be as i didn’t collect this issue)

    the issue on Jan 2005 details i don’t remember.

    However, the story which comes closest to your description to my mind was Kashmiril 007 in which James bond goes to Mangolia.

    However, if it is not james bond, then there is a Story which has 99% close your description. There was a hero named Johny Hazard (For Muthu / Lion / Malaimathi AFI Comics Fans = Wing Commander George) & (Rani Comics Fans = Johny).

    One of his story got published in both Rani Comics & Muthu Comics.

    in Muthu Comics, it is called paniyil pudhaindha Ragasiyam (Issue No 199 dated april 1991 – this was a Re-Print of issue no 134) and in Rani comics it was titled as Ragasiya Payanam (Issue No 301 dated 1st Jan 1997) in which Johny goes on a mission to support NATO to get back missile secrets & stopping the russians from getting that. Such a nice story and wonderful artwork.

    Hence, i Reserve my Judgment by saying that Mr Balamurugan, By Oversight / Lapse of Memory, couldn’t recollect the hero correctly even though he said the story and dates correctly.

    My Advice: If you liked the Rani Comics’s Translation and eediting, then kindly get hold of the Muthu issue and read that. it was a Gem of an Story and by far the better translated version.

    If you have doubts on how translation can change the story, kindly check here:

    http://tamilcomicsulagam.blogspot.com/2008/09/james-bond-comics-1-adhiradi-ulavali.html

    Thanks to Josh for the wonderful moments of Nostalgia.

    King Viswa
    http://www.tamilcomicsulagam.blogspot.com

  • 6. sharehunter  |  October 15, 2008 at 10:07 pm

    Viswa,

    I am very happy to have your comment. Though Wing Commander George isn’t my cup of tea, i love the translation which is the backbone of Lion Comics publications.

  • 7. King Viswa  |  October 15, 2008 at 10:11 pm

    Josh,

    extremely sorry for typing in English. Am very much new to blogging and don’t know how to type in Tamil;

    Ravi and other friends are advising me to type in tamil. let me learn quickly to do so.

    King Viswa
    http://www.tamilcomicsulagam.blogspot.com

  • 8. King Viswa  |  October 16, 2008 at 9:10 am

    ஜோஷ்,

    எப்படி தமிழாக்கம் ஒரு கதையை கொல்ல முடியும் என்ற கமெண்ட்’இல் தவறான லிங்க் கொடுத்து விட்டேன்.

    சரியான லிங்க் இதோ: http://tamilcomicsulagam.blogspot.com/2008/10/review-james-bond-comics-no2-rocket.html.

    தமிழ்’இல் டைப் செய்ய உதவிய கவிஞர் தமிழ் குட்டி’க்கு என்னுடைய நன்றிகள்.

    என்னை தமிழ்’இல் டைப் செய்ய துண்டிய நண்பர்கள் லக்கி லுக், செந்தழல் ரவி, டாக்டர் சதீஷ் என அனைவருக்கும் நன்றிகள்.

    கிங் விஸ்வா

  • 9. Rafiq  |  October 20, 2008 at 12:44 pm

    தப்பி ஓடிய இளவரசி, 15 ஆகஸ்ட் 1984 அன்று ராணி காமிக்ஸ் ‘இன் 4 வது இதழாக வெளி வந்தது இன்றும் ஞயாபகம் இருக்கிறது. நான் தமிழ் படிக்கச் கற்று கொண்ட முதல் புத்தகம் ராணி காமிக்ஸ் இல் இருந்து தொடங்கியது தான். அற்புதமான சித்திர விருந்தாக இருந்தது இந்த pharoh களின் கதை. இன்றும் போற்றி பாதுகாத்து வரும் ஒரு இதழ்.

    ராணி காமிக்ஸ் படிக்கும் பழக்கத்தை நான் 300 வது இதழ் வரை தொடர்ந்தேன்… சித்திர மற்றும் மொழி தரம் குறைந்ததை எண்ணி வேதனை அடைந்தாலும், ராணி காமிக்ஸ் மீது கொண்டான் ஆரம்ப அன்பால், தொடர்ந்து அதை வாங்கினேன். கடைசியில் 500 வது இதழ் வெற்றிகொட்டை நெருங்கும் தறுவாயில், மனமுவந்து 2 வருடத்துக்கு சந்தா செலுத்தி ஏமாந்தும் போனவன் 🙂

    புத்தக வேட்டையளர்கள் பற்றி எழுதி இருந்தது, இள வயது ஞ்யாபங்களை திரும்பவும் அசை போடா உதவியாக இருந்தது. ஒவ்வொரு பழைய சித்திர கதையையும் கடைகளில் பார்க்கும் போது எழுந்த பேரார்வம், இப்போது கடைகளில் புதிய காமிக்ஸ் புத்தகங்களை வாங்கும் போது கூட ஏற்படுவது இல்லை. அது உண்மையிலேயே ஒரு பொற்க்காலம் தான். நினைவூட்டியதற்கு நன்றி ஜோஸ்.

    Rafiq Raja
    http://comicology.blogspot.com

  • 10. Chitira Puthaga Maha Rasigan  |  December 31, 2008 at 4:16 am

    ராணி காமிக்ஸ் பற்றி நன்றாக எழுதிஉள்ளீர்கள்… பாராட்டுக்கள்.
    ராணி காமிக்ஸில் எனக்கு பிடித்த கதை என்றால் அது நிச்சயமாக தப்பி ஓடிய இளவரசி தான். I tried a lot to find the name of the English version of this book, could not able to get much information from the internet, do you know anything about this…

  • 11. mani  |  June 30, 2009 at 11:34 am

    hai

  • 12. rajeshrs  |  April 24, 2010 at 11:31 am

    pazhaiya ninaivugalll…ippavum enakku gnaabagam irukku…azhagiyai thedi has topless pictures… being a young boy , i was thrilled to see those pictures….!!!

    great… thanks for your articles…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 3 years ago
  • If my office is attacked by ninjas right now, I might get a day's off. 4 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 5 years ago
  • Just saw KV Anand's Maatyran trailer. Something struck on me! 5 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 5 years ago
October 2008
M T W T F S S
« Sep   Nov »
 12345
6789101112
13141516171819
20212223242526
2728293031  

%d bloggers like this: