23-09-2008

      நேற்றைய தினம் அமெரிக்க சந்தை 370 புள்ளிகளை இழந்துள்ளது. துவங்கியுள்ள ஆசிய சந்தைகள் சுரத்தே இல்லாமல் தொடங்கியுள்ளது. நமக்கு இன்னும் Future & Options  முடிய இன்னும் முன்று நாட்களே உள்ளன.

     இன்றைய சந்தை gap down தொடங்க வாய்ப்பு உண்டு. ஆனால், நிப்டி பங்குகள் அனைத்தும் நல்ல விலையில் உள்ளன. வாங்குபவர்கள் அதிகரிக்கக் கூடும். மேலும் F  & O அருகில் இருப்பதனால், கடைசி நேர இலாபத்தை உறுதிசெய்ய எது வேண்டுமானாலும் செய்யக் கூடும்.

      இன்னும் முன்று நாட்களுக்கு நம் சந்தையின் பாதை தனி. உலக சந்தைகளை பொருட்படுத்தாமல் செல்லும் என நினைக்கிறேன்.

    தின வணிகம் செய்பவர்கள் F & O நிலையை பார்த்தே இன்று செய்யலாம். அதற்கேற்றது போல, சந்தையும் ஆட ஆரம்பிக்கும். ஐரோப்பிய சந்தைகள் இன்று gap up ஆக ஆரம்பிக்கக் கூடும் என நினைக்கிறேன். பார்ப்போம்.

For Information : L & T Bonus 1:1 ex-date 1.10.2008.

Post Market:

     ஒவ்வொரு நாளும் அமெரிக்கா அதனுடைய நிதி நிறுவனங்களுக்கு எவ்வாறு உதவப் போகின்றது என்ற speculations வைத்தே சந்தைகள் நகரப் போகின்றது. உலக சந்தைகளில் பெரும்பாலான சந்தைகள் short selling -க்கு தடை விதித்து உள்ளன. நம் சந்தை தடை விதிக்க வில்லை. சந்தையின் அடிப்படை மீது மிகுந்த நம்பிக்கை நிதி அமைச்சகம் வைத்துள்ளதாகவே கருதலாம். மேலும் சந்தை இச்சமயத்தில் பலவீனமடைந்தால், வரப்போகும் தேர்தலில் கணிசமான வாக்குகளை இழக்க நேரிடும் என்ற காரணத்தை முன்னிட்டு, மத்திய அரசு ஏதேனும் நம்பிக்கை தரும் செய்திகளை வைத்திருக்கும் என்றே நம்புவோம். இன்றைய சந்தை வழக்கம்போல் நேற்றைய அமெரிக்க சந்தையை பார்த்து, ஒரு வித பாதுகாப்பின்மையுடன் ஆரம்பித்தது. முதலீட்டாளர்கள் சிறிது மேலேறினாலும் Profit-booking செய்ய ஆரம்பித்து விடுகின்றார்கள். எல்லோரும் ஒரு வித பாதுகாப்பின்மையுடன் இருப்பதாகவே படுகின்றது.

      நாளை எவ்வாறு சந்தை இருக்கும் என தற்போது உங்களுக்கு ஏதேனும் ஊகங்கள் இருந்தால் பகிர்ந்து கொள்ளலாம். 4275? possible?