Bear Market IV

June 21, 2008 at 9:35 pm 1 comment

     அமெரிக்க சந்தை (Dow Jones)  வெள்ளியன்று 220 புள்ளிகளை இழந்திருக்கிறது. திங்களன்று மேலும் 200 புள்ளிகளை இழக்கும் பட்சத்தில் ஒரு வருட குறைவான (One year Low)  புள்ளிகளை சந்திக்க நேரிடும். இதன் விளைவுகள் ஐரோப்பிய, ஆசிய சந்தைகளில் கண்டிப்பாக எதிரொலிக்கும். நாம் ஏற்கெனவே விலைவாசி புள்ளியுடன் போராடி கொண்டிருக்கிறோம்.

     மத்திய அரசு தன்னுடைய கடைசியாண்டில் இருக்கிறது. இந்த நேரத்தில் நீண்ட நோக்கில் வர்த்தக கொள்கையை மேற்கொள்ளாமல் குறுகிய காலத்தில் ( மக்களின் ஒட்டுகளை மனதில் வைத்து) ஏதேனும் தவறான வர்த்தகக் கொள்கையை வணிகத் துறை அமைச்சகமோ, நிதித்துறை அமைச்சகமோ தேர்ந்தெடுக்க நேரிட்டால் நமது சந்தை புதிய பள்ளங்களை தொட வாய்ப்பு இருக்கிறது. உலக அளவில் அனைத்து சந்தைகளிலும் ( பிரேசில், இரஷீயா உட்பட) கரடிகளின் ஆதிக்கத்திற்கு வந்து கொண்டிருக்கிறன. நமது சந்தை கூட விதிவிலக்கல்ல.
     நான் இதுவரை பார்க்கின்ற சக முதலீட்டாளர்கள் ( வணிகர்கள்) அனைவரும் தங்களுடைய கையிருப்பில் உள்ள பங்குகளின் மேல் உள்ள முதலீட்டை  இரண்டு மாதங்களுக்கு மேல் வைத்திருப்பதில்லை. 99 சதவிதத்திற்கு மேல் இவ்வாறு தான் இருக்கின்றார்கள். வங்கியில் வைப்பு நிதியில் வைத்திருக்கும் தொகையை நாம் குறிப்பிட்ட காலத்திற்கு மேல் எடுக்காமல் பொறுமையாக காத்திருப்பது போல் பங்கு சந்தையிலும் முதலீடு செய்த தொகையை முதிர்வு நேரம் வரும் வரை காத்திருக்க வேண்டாமா!

    கடந்த ஒரு வருடத்தில்தான் புதிய முதலீட்டாளர்கள் சந்தைக்கு வர தொடங்கியுள்ளனர்.  பங்கு தரகு நிறுவனங்கள் புதிய கிளைகளை  தொடங்கியுள்ளன.பங்கு சந்தையை பற்றிய விழிப்புணர்ச்சி அதிகரித்து வருகின்றது. ஆறாம் வகுப்பிலிருந்து வருமான வரி பற்றிய பாடங்கள் வரப்போகிறது என கேள்வி. பன்னிரெண்டாம் வகுப்பில் வரி ஏய்ப்பு பற்றி பாடங்கள் கூட வர வாய்ப்பு இருக்கிறது.காப்பீடு திட்டங்களிலும், ஒய்வுதிய திட்டங்களிலும் பங்கு சந்தையுடன் இணைந்த திட்டம் என விளம்பரபடுத்தப்படுகின்றன. சினிமா டிக்கெட்களில் மட்டும் தான் இணைக்கப்பட வில்லை. சென்ற வருட காளைகளின் சந்தை ஜனவரி சரிவினை மட்டும் சந்திக்காமல் இருந்திருந்தால், சினிமா டிக்கெட்களிலும் பங்கு சந்தையுடன் இணைந்த திட்டம் வந்திருக்கும். நீங்கள் டிக்கெட் வாங்கும்போது உங்கள் பணம் பங்கு சந்தையில் முதலீடு செய்யப்பட்டு, திரைப்படம் முடிந்து நீங்கள் செல்லும் போது உங்களுக்கு வட்டியுடன் வழங்கப்பட்டிருக்கும்.  மக்களிடம் பங்கு சந்தையை பற்றி ஒரு விழிப்புணர்ச்சி ஏற்பட்டுள்ள நிலையில், தவறான வழிகாட்டுதல்களின் முலம் பங்கு சந்தை பள்ளங்களை தொடும்போது மீண்டும் பங்கு சந்தையை பற்றிய பழைய கருத்து “பங்கு சந்தை என்றாலே ரிஸ்க்” திரும்ப வந்து விடும் நிலை தற்போது இருக்கிறது.  அதற்கு காரணம் என்ன என்று பார்த்தால் தற்போது உள்ள புதிய முதலீட்டாளர்கள் அனைவரும் காளைகள் உச்ச நேரத்தில் இருக்கும்போது வந்தவர்கள். எந்த பங்கினை வாங்கினாலும் ஒரு வாரத்திற்குள் குறைந்தது 5 சதவிதமாகவது ஏறியிருக்கும். எல்லோரும் நல்ல லாபத்தினை பெற்று வந்தனர். தீடீரென அந்த வாய்ப்பை இழக்கும்போது, அவர்கள் அனைவரும் குற்றம் சொல்வது பங்கு சந்தையை தான்.

      இந்த வலைப்பதிவினை ஆரம்பித்தபோது சந்தை See-saw ஆடிக்கொண்டிருந்தது. கரடிகள் காலடிகள் சத்தம் மட்டுமே கேட்டுக் கொண்டிருந்த நிலையில், தற்போது கரடிகள் உருவங்களை ஒரு மாதிரி பார்க்க ஆரம்பித்திருக்கிறோம். இன்னும் சிறிது காலத்தில் முழு உருவத்தையும் காண போகிறோம். தற்போதைய சூழலில் வாங்கக் கூடிய பங்குகளை குறைந்தது ஒரு வருடமேனும் கையிருப்பில் வைத்திருக்க முடியும் என்றால் வாங்கலாம். கையிருப்பிலுள்ள தொகையை பிரித்து மியுட்சுவல் நிதிகளில் ஒரு பகுதியை முதலீடு செய்யலாம். ஏனெனில் சந்தை பள்ளங்களை தொட்டுக் கொண்டிருக்கும்போது, மியுட்சுவல் நிதிகளின் ஒபன் எண்டட் (Open Ended) திட்டங்களின் யுனிட் மதிப்பு ரு.10 க்கும் குறைய வாய்ப்பு உள்ளது. மேலும் நல்ல அனுபவம் மிக்க நிதி மேலாளர்களால் நிர்வகிக்கப்பட்டு வருவதால், யுனிட்களின் மதிப்பு குறுகிய காலத்தில் மேலே ஏற வாய்ப்பு உள்ளது.

     விலைவாசி உயர்வு பற்றிய புள்ளி விவரம்தான் தற்போது நம் சந்தையை பயமுறுத்திக் கொண்டிருக்கிறது. இந்த நேரத்தில் மத்திய அரசு என்ன முடிவு எடுக்கப் போகிறது என்று சரியாக தெரியவில்லை. பெட்ரோல் விலையேற்றம் பற்றிய முடிவு போல் தாமதமாக வங்கி ரேட் குறைப்பு பற்றிய அறிவிப்பு வெளிவருமா அல்லது எதிர்கட்சிகளை ( இடது சாரிகளை, அவர்களும் எதிர்கட்சிகள் மாதிரிதான்) சமாதானப்படுத்த முடிவினை தள்ளி போடாமல் விரைவில் அறிவிக்குமா என்பது தெரியவில்லை. அனுசக்தி ஒப்பந்த பேச்சு வார்த்தை வேறு பாதியில் இருக்கிறது. அமெரிக்காவிற்கும் புதிய அதிபர் வரப்போகிறார். ஜான் மெக்கெயின் வர வாய்ப்பிருக்கிறது என்று நான் நினைக்கிறேன். கச்சா எண்ணெய் அடுத்த வாரம் என்ன விலையில் இருக்கும் என்று தனியே  சந்தை ஆரம்பிக்கலாம்.
      இவ்வாறான சூழலில், தேர்தல் முடிந்து ஒரு நிலையான ஆட்சி நம் நாட்டிலும், அமெரிக்காவிலும் (அங்கே இரண்டு கட்சிகளே இருந்தாலும், போன முறை நம்நாட்டை விட குழப்பாக தேர்தல் முடிவுகள் வெளியாகின என்பதை யாரும் மறந்திருக்க முடியாது) வரும்வரை சந்தையின் பாதையை சரிவர கணிக்க இயலாது. அதற்கு குறைந்தது ஒரு வருடமேனும் காத்திருக்க வேண்டியிருக்கும். அதற்கேற்ற போல் நம் மனநிலையை தயார் செய்து உற்சாகமாக முதலீட்டில் ஈடுபடுவோம்.

Entry filed under: Hunter's Mind. Tags: .

#4 Fundamental Analysis – The Company 23-06-2008

1 Comment Add your own

  • 1. balakeethai  |  June 22, 2008 at 12:30 pm

    மிக அருமை அலெக்ஸ்,இது போல் என்றும் உங்கள் பணி தொடர வாழ்த்துக்கள்.நன்றி

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 2 years ago
  • If my office is attacked by ninjas right now, I might get a day's off. 3 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 4 years ago
  • Just saw KV Anand's Maatyran trailer. Something struck on me! 4 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 4 years ago
June 2008
M T W T F S S
« May   Jul »
 1
2345678
9101112131415
16171819202122
23242526272829
30  

%d bloggers like this: