Think like a Tiger

June 3, 2008 at 9:58 pm 7 comments

    புலி வேட்டையாடும்போது தன்னுடைய இரை எது என குறி வைத்தபின், அதை தவிர வேறு எதையும் ஏறெடுத்து பார்ப்பதில்லை.  சந்தை see-saw ஆடும் இந்த காலகட்டத்தில் நீண்ட கால முதலீடுகளை பற்றி யோசிக்க நேரம் ஒதுக்குங்கள். காலை எழுந்தவுடன் அமெரிக்க சந்தை எவ்வாறு முடிந்தது, ஆசிய சந்தைகள் எப்படி ஆரம்பிக்கிறது, ஐரோப்பிய சந்தைகளின் செயல்பாடு எப்படி இருக்கும் என்று சந்தையின் ஒவ்வொரு அசைவிற்கும் உலக அளவில் காரணங்களை தேடாமல் நம்நாடு நமக்கு கொடுத்த வரத்தை பற்றி நினைப்போம்.

     ஆம், சில ஆண்டுகளுக்கு முன்  நடந்த ஆய்வின் படி இந்திய மக்கள் தான் மிக குறைவான மன அழுத்தத்துடன் இருப்பதாக ஒரு ஆய்வு குறிப்பு வெளியாகியிருக்கிறது. ஆனால் தற்போது நிலை மாறிவிட்டது. மேற்கத்திய கலாச்சாரம் நம்மில் ஊடுருவி அவர்களைபோல் நமக்கும் மன அழுத்தம் அதிகமாகி விட்டது.  குறிப்பாக முதலீட்டாளர்கள்.  இருபது ஆண்டுகளுக்கு முன் மனநல மருத்துவர் என்பவரை பைத்தியங்களுக்கு வைத்தியம் பார்க்கிற ஆள் என்று தான் சொல்வார்கள். தற்போது, அது ஒரு கெளரமான பதவியாக ஆகி விட்டது. நான் மனநல மருத்துவரை கலந்து ஆலோசிக்கிறேன் என்று சொல்வது கெளரவமாகிவிட்டது.

     முன்பு சினிமாவில் இந்த மனநல மருத்துவர் வேடங்களுக்கு காமெடி நடிகர்களே ( நாகேஷ், சோ) நடிப்பார்கள். தற்போது சூப்பர் ஸ்டாரே இவ்வேடம் ஏற்றிருக்கிறார். கடந்த ஒரு வார காலமாக நான் வணிகம் செய்யும் தரகு நிறுவனத்தில் சக முதலீட்டாளர்களை கவனிக்கும்போது எல்லோருமே மிகுந்த மன அழுத்தத்தில் இருக்கின்றார்கள். சரியாக முகம் கொடுத்து கூட பேசுவது இல்லை. ஒரு சின்ன விஷயத்திற்கு அனைவரிடம் சண்டைபோடுகின்றார்கள். எவ்வித சமாதானமும் சொல்ல முடிவதில்லை. (“நான் கஷ்டப்பட்டு சம்பாதித்த பணத்தை போட்டுருக்கேன், சார். என் கவலை எனக்கு தான் தெரியும்”).  உங்கள் கவலையால், மன அழுத்தத்தில் சந்தை மேலெறாது. சந்தையின் சப்போர்ட் லெவல் ஒன்று, இரண்டு என வரிசைபடுத்தி, இது போனா 4300 தான் எனவும், 3800 போக கூட வாய்ப்பு இருக்கு எனவும் நிறைய ஊகங்கள் அடுக்கப்படுகின்றன.  ஒவ்வொருவரும் சந்தையின் போக்கை பற்றி ஆராய்வதிலே நிறைய நேரம் செலவிடுகின்றனர்.

      சந்தை எல்லா நேரங்களிலும் எதிர்பார்த்த படி நடப்பதில்லை. சரி,  வேறு என்ன செய்யலாம்?  கையிருப்பில் உள்ள பங்குகள் பற்றி ஆராயலாமே! தின வணிகம், swing trade செய்பவர்களே அதிகம் இருக்கும் காலகட்டத்தில் இது குறித்து ஆராய நிறைய பேருக்கு நேரமே இல்லை. அவர்கள் கவலை எல்லாம் அடுத்து என்ன பங்கு வாங்கி என்ன விலையில் விற்கலாம் என்பது தான்.  தற்சமயம் கைவசம் உள்ள பங்கின் மதிப்பு, இரு வருடங்கள் வரை கையிருப்பில் வைத்திருக்க கூடிய தொகையா, வேறு ஏதேனும் அவசர தேவைகளுக்கு உதவக் கூடிய ரொக்கத்தை முதலீடு செய்து வைத்திருக்கிறோமா, அவ்வாறு இருப்பின் அத்தொகையினை எந்தெந்த பங்குகளை விற்று தற்போது ரொக்கமாக்க முடியும், அப்படி ரொக்கமாக்கும் பட்சத்தில் நஷ்டத்தை எவ்வாறு குறைக்கலாம் இது போன்று தங்களுடைய பங்குகள் கையிருப்பை பற்றி ஆராய நடுநிலையான மனம் இல்லை. இவ்விஷயத்தில் நான் ஒன்று கவனித்திருக்கிறேன். நம்மிடம் வேறு யாராவது இது பற்றி கேட்டால், உடனே உற்சாமாக நம்மால் பதில் சொல்ல முடியும். நம் கை வசம் உள்ள பங்குகள் பற்றி ஒரு தெளிவான முடிவு இல்லை என்றே சொல்லலாம். சந்தை பற்றிய ஊகங்களை பொருட்படுத்தாமல் இந்த முடிவுகளை  தீர்க்கமாக எடுங்கள்.

     அமெரிக்க சந்தை ஒரு வளர்ந்த (Developed)  சந்தை. நம்முடையது வளர்கின்ற ( Developing)  சந்தை. கூடிய விரைவில் இறங்கிய சந்தை மேலேறும். என்னுடைய அனுபவத்தில் (ரொம்ப அதிகம் இல்லை) சொல்கிறேன்: நம்முடைய சந்தை அடுத்த மத்திய அரசு மிக ஸ்திரமாக அமைந்தால் (ஒரு வருட காலமெனும் பொறுத்துதான் பார்க்க வேண்டும்) போகக்கூடிய துாரம் மிக அதிகம்.

     இதுபோன்ற சமயங்களில் ஊடகங்களில் காணப்படும் “மோசமான பங்கு சந்தையில் பேஷான பங்குகள்” தலைப்பில் கொடுத்திருக்கும் பங்குகளை உடன் வாங்காமல் யோசிக்க தொடங்கினாலே வெற்றி தேவதை உங்கள் ஏரியாக்குள் வந்து விடுவாள்.  உங்கள் வீட்டு வரை அழைத்து வர இன்னும் யோசிக்க வேண்டும்.

      பங்கு சந்தையில் கீழ்வரும் தலைப்புகள் குறித்து மிக அடிப்படையிலிருந்து ஒரு தொடர் கட்டுரை எழுதலாம் என்ற எண்ணம் இருக்கிறது. தற்சமயம் எது குறித்து எழுதலாம் என்பது பற்றி உங்கள் கருத்துகளை தெரியபடுத்தினால் நல்லது.

1) தின வணிகம்
2) Fundamental Analysis

3) பங்கு சந்தை பெரும்புள்ளிகள் (வில்லன்கள் உட்பட)

4) தொழிலதிபர்கள்

Advertisements

Entry filed under: Hunter's Mind.

03-06-2008 04-06-2008

7 Comments Add your own

  • 1. balakeethai  |  June 3, 2008 at 10:17 pm

    நண்பர் திருஅலெக்ஸ் அவர்களுக்கு,
    முதலில் எனது நன்றி மற்றும் பாராட்டுக்கள்,
    தாங்கள் வழங்கிவரும் இதுபோன்ற சேவை என்னை போன்றவர்களுக்கு
    ஒரு வரம்,மீண்டும் ஒருமுறை நன்றி,
    1) தின வணிகம் intraday technical analysis
    2) Fundamental Analysis
    வழங்கினால் நிறைவாகஇருக்கும்.

  • 2. அட, பேரா முக்கியம்?.  |  June 3, 2008 at 10:20 pm

    Fundamental Analysis-க்கு தானுங்க நம்ம ஓட்டு.
    நிறைய பேருக்கு (ஹி ஹி.. நான் உட்பட) அதைப்பற்றி தெரிய வேண்டியிருக்கு.

    நம்ம வரிசை இக்கட உந்தி:
    1) Fundamental Analysis
    2) தின வணிகம்
    3) பங்கு சந்தை பெரும்புள்ளிகள் (வில்லன்கள் உட்பட)
    4) தொழிலதிபர்கள்

  • 3. warren buffet  |  June 4, 2008 at 7:15 am

    நன்றி

    தின வணிகம் பற்றி எழுதலாம்

  • 4. senthil  |  June 4, 2008 at 10:40 am

    – day trade & technical analysis

  • 5. ram  |  June 4, 2008 at 4:27 pm

    1st daily post podunga .its a use full site
    iam waching daily in your post
    thank you .

  • 6. bhuvan  |  June 4, 2008 at 7:45 pm

    மிக அருமையாக எழுதுகிறீர்கள் நன்றி . உங்கள் வருசைப்படியே எழுதலாமே.

  • 7. naveen  |  June 24, 2008 at 4:01 pm

    very good. please keep it up your excellent service.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


கோப்ரா தீவில் கோயாவி – முக்கிய அறிவிப்பு

இந்த கதையானது பூமி மற்றும் பிற கிரகங்களில் இருக்கும் எந்த உயிரினங்களின் மனதையோ, உடலையோ புண்படுத்தும் வகையில் எழுதப்படவில்லை. அவ்வாறு இருந்தால் அது தற்செயலே. இந்த கதையில் நடைபெறும் சம்பவங்கள் அல்லது வசனங்கள் பூமியில் நடக்கும் வாழ்க்கையை பிரதிபலிப்பவை அல்ல. அவ்வாறு நடப்பது புளுட்டோவில் புண்ணாக்கு கிடைக்க என்ன சாத்தியக்கூறோ அந்தளவிற்கு சாத்தியம். எதுக்குடே இப்டி எழுதுறே என்ற வகை பின்னுட்டங்கள் பிரசுரிக்கப்படாது. கள்ள ஐடீ பின்னுட்டங்கள் ஊக்குவிக்கப்படும்.

twit…twit…twit

  • Saw Noah. Very droll. Crowe lifts up the film in few moments. But why it is made. Only Creator can answer that. 3 years ago
  • If my office is attacked by ninjas right now, I might get a day's off. 3 years ago
  • Whatever the case, China domintes the Medal tally. As an asian, I'm proud. Why don't give Olympic Training to Army rather than Politicians 5 years ago
  • Just saw KV Anand's Maatyran trailer. Something struck on me! 5 years ago
  • @karthi_1 நல்லவேளை "முத்தமிழ் அறிஞர்களின் வாழ்வில் நடந்த சுவையான நிகழ்ச்சிகள்" உங்களிடம் இல்லை. ;) 5 years ago
June 2008
M T W T F S S
« May   Jul »
 1
2345678
9101112131415
16171819202122
23242526272829
30  

%d bloggers like this: