ஸ்வாமி நிப்டியானந்தாவின் பரிந்துரைகள்

  நமது பங்கு சந்தை புதிய உற்சாகத்தில் இருக்கிறது. காரணம், ஐரோப்பாவில் நிலவும் சுமூக நிலை. உண்மையில், ஐரோப்பிய நாணயம் யூரோ மிகவும் சேதமடைந்து இருக்கிறது. முக்கிய சந்தையான பிரிட்டன் இன்னமும் யூரோவிற்கு மாறாமல், யூ◌ரோவின் நிலையை இன்னும் மோசமாக்கிக் கொண்டிருக்கிறது. ஆக, ஐரோப்பா மைனஸ் பிரிட்டன் என்ற நிலையில் இப்போது சுமூகநிலை நிலவுவதால், ஆசிய சந்தைகள் வெகு வேகமாக ஏறிக் கொண்டிருக்கின்றன. இது தற்காலிகமே.

துருக்கி மற்றும் கீரிஸ் போன்ற நாடுகளின் தடுமாற்றம் இப்போது ஐரோப்பாவின் தடுமாற்றமாகிக் கொண்டிருக்கின்றன. இப்போதைய யூரோவின் ஆபந்பாந்தவர்கள் ஜெர்மனி, ப்ரான்ஸ் மற்றும் ஸ்பெயின். ஆனால், அங்கும் நிலைமை சரியில்லை. ஐரோப்பா மற்றும் அமெரிக்கா மற்றும் ஜப்பான் போன்ற பொருளாதாரத்தை பற்றி விரிவாக எழுத வேண்டும் என்ற எண்ணம் இருக்கிறது.

ஆக, ஐரோப்பிய சுபிட்சம்தான் இப்போதைய ஏற்றத்திற்கு காரணம் என்றால், எச்சரிகையாக இருக்க வேண்டும். திரும்ப 4800 என்ற நிலைக்கு செல்ல வாய்ப்பு இருப்பதாக தோன்றுகிறது.

02.07.2012

நமது பிரதமர் புதிய கொள்கைகளை, எதிர்ப்பு இருப்பினும், உறுதியாக அறிவித்துள்ளார். பாராட்டுக்கள். அவை பயனளிக்கக் கூடியவையா? என்ற கேள்விகளை ஒதுக்கிவிட்டு பார்த்தோமென்றால், உறுதியான நிலைப்பாடு பாராட்டத்தக்கது. அரசு இயங்குகிறது என்பதை காண்பிக்கும் செயல்கள் அவை. யார் பிடியில் பிரதமர், யார் சொன்னால் கேட்பார் என்ற யுகங்களால் இயங்கி வந்த அரசு, நிலைப்பாடுகளை எடுக்க ஆரம்பித்திருக்கிறது. காலம் கடந்த செயல் என்றாலும், இதை தொடர்ந்தால் அடுத்த வருடம் வணிக நிறுவனங்களுக்கு நல்ல வருடமாக இருக்கும்.

உலக பொருளாதாரம் முன்னேறி விட்டது, நமது சந்தையும் 6000- தொடும் என்ற யுகங்களுக்கு நான் சொன்னதையே நான் இன்னும் நம்புகிறேன். சிறிது காலம் ஆகும். உயர்வுகள் தற்காலிகமே. சிறிய பிரச்சினைகளுக்கு பெருத்த சரிவு ஏற்படும் என நம்புகிறேன்.

19.09.2012